"Xoş gəldin"
Əla, ey gözləri şəhla, qaşı peyvəstə, xoş gəldin,
Fəda olsun sənə canım, təni-növrəstə, xoş gəldin.
Müsəlsəl zülfi-müşkindən götürmüş gül üzün rövnəq,
Tutubdur aləmi şövqün, güli-növrəstə, xoş gəldin.
Dağıtdı əqlimi sərdən sənin çeşmi çəpəndazın,
Tutubsan tiği-əlmasın girib bu qəsdə, xoş gəldin.
Bu gün mehrabi-əbrunə sürahilər sücud eylər,
Piyalə ərğivani sən tutubsan dəstə, xoş gəldin.
Bulur can günbəgün ləlin təmaşasın edən aşiq,
Görübsən Məhcuri-sərgəştəni sən xəstə, xoş gəldin.
Tarix: 30.03.2013 / 15:08 Müəllif: *_*M_O_N_I_K_A*_* Baxılıb: 159 Bölmə: Qezeller
loading...