"Çıxdı əbri-bərgdən kövkəb kimi rüxsari-gül"
Çıxdı əbri-bərgdən kövkəb kimi rüxsari-gül,
Ləmə-ləmə nur saçdı aləmə ənvari-gül.
Məşriqi-şaxi-zəbərcədən çıxıb xurşid tək,
Bərq qıldı cümleyi əzharidən izhari-gül.
Şərbəti-safi bənəfşə lalənin camındadır,
Xəsteyi-səhhət verir, hər kim ola bimari-gül.
Bülbülə dərdi-dilin eşqində tibyan etməgə,
Qönçədən məkşuf olur şax üstünə tumari-gül.
Misri-mülk məhv olub, nəqli-Züleyxa oldu həkk,
Hər tərəf min Yusifə zinət verir bazari-gül.
Tarix: 30.03.2013 / 15:06 Müəllif: *_*M_O_N_I_K_A*_* Baxılıb: 107 Bölmə: Qezeller
loading...