"Bu cövri-yardən cigəri qan olan könül"
Bu cövri-yardən cigəri qan olan könül !
Mətlubə yetməyib belə giryan olan könül !
Bu qəm günündə bircə mədədkarı olmayan,
Zərdü zəif, xəstəvü nalan olan könül !
Mən çox dedim, eşitmədin əsla nəsihətim,
Ey eşq əlində valehü heyran olan könül !
Gördün səni nə günlərə saldı bəlayi-eşq,
Divanəvar gündə hərasan olan könül.
Müşküldür indi qurtarasan eşqi-yardən,
Xaki kimi cigərləri büryan olan könül !
Tarix: 30.03.2013 / 15:00 Müəllif: *_*M_O_N_I_K_A*_* Baxılıb: 76 Bölmə: Qezeller
loading...