" Bütün gecəni " qəzəli
Içimdə od qaladı möhnətin bütün gecəni,
Gözümdə saldı yerin həsrətin bütün gecəni.
Soyuq divardakı məsum xəyallarım çəkdi,
Kədərli gözlərimin diqqətin bütün gecəni.
Geyib qaranlığın ağ başmağın yuxum qaçdı,
Götürməyib gecənin minnətin, bütün gecəni.
Bir an da yatmadılar bəxtəvər düşüncələrim,
Nazıyla oynadılar zülmətin bütün gecəni.
Yorulmadan gecədən çəkdi sübhədək səssiz,
Başım fikirlərinin zəhmətin bütün gecəni.
Gəzişdi pəncərəmin qarşısında əsgər tək,
Mələk donunda gözəl surətin bütün gecəni.
Nə yaxşı qoymadı qəm dar macalda tək, Yasin,
Bölüşdü dərdini həmsöhbətin bütün gecəni.
Tarix: 26.03.2013 / 19:21 Müəllif: *_*M_O_N_I_K_A*_* Baxılıb: 136 Bölmə: Qezeller
loading...