Xalq arasında belə bir fikir var: çox su içmək faydalıdır. Lakin AzərTAc "Zee News" nəşrinə istinadla xəbər verir ki, bəzi hadisələr bu fikrin doğru olmasına şübhə yaradır.
Bu nəşrdə dərc edilmiş məqalənin müəllifi doktor Ceyms Vinqer məktəb futbol komandalarının iştirakçıları arasında baş verən iki ölüm hadisəsindən danışıb.
O bildirib ki, bir oğlan məşq zamanı təqribən 15 litr su və idman içkiləri qəbul edib. İdmançı evdə huşunu itirib və təcili yardım onun həyatını xilas edə bilməyib.
İkinci hadisə isə idmançı düz idman meydanında güclü qıcolma və qusma nəticəsində dünyasını dəyişib.
Hədsiz çox miqdarda maye qəbulu fiziki yüklənmələrin təsiri altında əmələ gələn hiponatriemiya xəstəliyinə tutulmaq qorxusu yaradır.
Qanda natriumun səviyyəsinin böhran həddinə düşməsi baş beynin şişməsi, qıcolma, qusma və huşun itirilməsi kimi hallara səbəb olur.
Beləliklə, insanlar, xüsusən idmançılar qəbul etdiyi mayenin miqdarına fikir verməlidirlər.
Tarix: 21.01.2015 / 17:35 Müəllif: Aziza Baxılıb: 36 Bölmə: Qidalanma və Dieta