Haqqinda.az

Axtardığın haqqında - Hər gün yeni məlumat öyrən

" Gətirmisən (Ustada həsr edilib) " qəzəli

Sözlən sözün söz isminə şöhrət gətirmisən,
Ərkan, ədəb gətirmisən, iffət gətirmisən.

Nimdaş görünməsin deyə çağdaş qəzəl gəlib,
Bir tazə söz, fikir, təzə söhbət gətirmisən.

Söz söz olur o vəxt ki, mənası var dərin,
Məzmunlu söz deyib sözə hörmət gətirmisən.

Əvvəl qəzəl dilin çoxu bilmirdi heç, fəqət
Türkün diliylə sən ona izzət gətirmisən.

Məna evində mürgiləyirkən söz az qala,
Qüdrətli söz deyib ona rəğbət gətirmisən.

Söz gülşənində gör necə canlanma var bu gün,
Çün tazə, xoş nəfəs və təravət gətirmisən.

Qaytarmısan təfəkkürün əvvəlki qüdrətin,
Həqdən qoyub papaq sözə qeyrət gətirmisən.

Yasin, bu bir yığın sözü ustad eşitsə gər,
Söylər nədən çəkib belə zəhmət gətirmisən.


Tarix: 27.03.2013 / 20:08 Müəllif: *_*M_O_N_I_K_A*_* Baxılıb: 91 Bölmə: Qezeller
loading...