Tərkibi:
550 q un
400 ml 3,2%-li süd
60 q kərə yağı
2 yumurta
300 q suluquni
300 q imeretiya pendiri
10 q şəkər tozu
5 q quru maya
10 q iri duz
Hazırlanması :
Mayanı bir qədər isti süddə əridin, şəkər tozu, 1 yumurta, azca un (xama qatılığınadək) əlavə edib qarışdırın, yarım saat isti yerdə saxlayın. Barata qalxanadək unun yerdə qalanını ələyin, iri duz və 20 q kərə yağı ilə qarışdırın.
Barata qalxan kimi onu yağla qarışdırılmış una əlavə edin, südün qalanını da töküb çox bərk olmayan xəmir yoğurun. Qida plyonkasına büküb soyuducuya qoyun. 1,5 saatdan sonra, xəmir artandan sonra, çıxarıb 70 q-lıq kündələrə ayırın.
Çörək taxtasının üstünə un səpib kündələri kvadrat formasında yayın. Yaydığınızı ikiqat qatlayıb yenə nazik yayın. Bu proseduru üç dəfə təkrarlayın. Əgər lavaş yapışırsa, azca un səpin.
Pendiri iri hissələrə doğrayıb sürtgəcdən keçirin. 20 q kərə yağı, 1 yumurta əlavə edib yaxşıca qarışdırın (qarışıq çox hamar, eynicinsli olmamalıdır). Yaydığınız kvadratların ortasına qoyub zərf kimi bükün.
220 dərəcə qızdırılmış sobada 15-20 dəqiqə bişirin. Yağın qalanını əridib hazır penovanilərin üzərinə fırça lə çəkin.
Əgər belə xəmiri hazırlamağa vaxtınız yoxdursa, hazır xəmirdən istifadə edə bilərsiniz.
Nuş olsun!
Tarix: 29.11.2014 / 14:30 Müəllif: Aziza Baxılıb: 54 Bölmə: Dünya mətbəxi