"Könül, bu gün ki, müyəssərdi vəsli-yar sənə"
Könül, bu gün ki, müyəssərdi vəsli-yar sənə,
Təğafül etmə, baxar kəc bu ruzigar sənə.
Könül, vüsalına xürsəndsən bu gün yarın,
Fəğan o gündən, ola ayrılıq düçar sənə.
Gedə əlindən o məhparə, ayrıla səndən,
Verə zəmanə yenə dərdi-bişümar sənə.
Fələk, məramım ilə gərçi varsa dövranın,
Nə sud, yoxdu səbatın, nə etibar sənə.
Könül, o mahruxun zülfün eyləmə məskən,
Məhaldır o pərişan ara qərar sənə.
Edib o şux səni məst bir nigah ilə,
Saqın, bu nəşə verir aqibət xumar sənə.
Fəraq dərd ilə vəslində xövfi-hicran var,
Düş öl, qutar dəxi, Bixud, budur mədar sənə.
Tarix: 30.03.2013 / 14:57 Müəllif: *_*M_O_N_I_K_A*_* Baxılıb: 98 Bölmə: Qezeller
loading...