Tərkibində yüksək səviyyədə kofein və digər komponentləri ehtiva edən enerji içkiləri, uşaqlar və gənclərdə ciddi problemlər yaradır. Bu barədə artıq xəbərdarlıq edilib.
"Pediatrics" jurnalının verdiyi məlumata görə, alimlərin xəbərdarlığı, enerji içkilərinin sağlamlığa ciddi təsiri ilə əlaqədar elmi araşdırmalardan sonra edilib.
Mayami Universitetindən Steven Lipşultz və araşdırma qrupu, enerji içkiləri ilə əlaqədar istehsalçıların internet saytlarında bu cür içkilərlə əlaqədar verdikləri məlumatları araşdırıblar.
Bu sistematik araşdırmanın nəticəsində, bu içkilərin xüsusilə uşaqların və gənclərin sağlamlığına ciddi ziyan vurduğu ortaya çıxıb. Enerji içkiləri sayıqlama, yuxusuzluğa, ürək problemlərinə, şəkər xəstəliyinə və ruhi xəstəliklərə yol açır.
Araşdırmada həmçinin qeyd edilib ki, bu növ içkilərin heç bir müalicəvi köməyi yoxdur. Enerji içkilərini istehsal edən şirkətlər isə bu içkilərin zehni və fiziki gücü artırdığını iddia edirlər.
Tarix: 08.01.2015 / 14:11 Müəllif: Aziza Baxılıb: 30 Bölmə: Saglamliq