Maşına uğur və bərəkət, nəzərdən qorunmaq və qəza etmə qorxusu ilə Qurani Kərim kitabını qoymağın hökmü nədir?
Həmd yalnız Allaha məxsusdur.
Nəzər dəyməsindən qorunmaq və ya təhlükəyə qarşı tədbir görmək məqsədi ilə maşına Quran qoymaq bidətdir, yenilikdir.
Peyğəmbər (s.ə.s)-in səhabələri - Allah onlardan razı olsun – təhlükədən və ya göz dəyməsindən qorunmaq üçün Quranı üzərlərində gəzdirmirdilər. Madam ki, bu hərəkət bidətdir, Peyğəmbərimiz sallallahu aleyhi vəssəlləm belə demişdir: ”Hər bidət zəlalətdir və hər zəlalət də cəhənnəmdir.”( Muhamməd b.Salih əl Useymin, telefonla soruşulan sual./ Bidət, yeniliklər və əsli olmayan əməllər; s:. 259).
Dəyərli alim Abdulaziz b. Bəzz də – Allahın rəhməti onun üzərinə olsun belə demişdir: “Bəziləri, evlərinin otaqlarına, restoranlara və ya ofislərinə Quran ayələri və hədislər asırlar. Eyni zamanda xəstəxana və poliklinikalarda Allah təalanın : “Xəstələndiyimdə mənə şəfa verən odur (Allahdır)“ və bənzəri ayələrini asmaqdadılar. Bu ayələrin və hədislərin bu kimi yerlərə asılması dinə gorə qadağandırmı? Bildiyimiz kimi, məqsədləri şeytanı uzaqlaşdırmaq və (ev və offislərinin) bərəkətli olmasını istəməkdir. Bəzən də məqsədləri bu əməllə insanlara xatırlatmaq kimi ola bilər. Bərəkətli olmağı qayəsi ilə maşına Qurani Kərim kitabını qoymaq da bu qəbildəndirmi?
Bu suala O aşağıdakı cavabı vermişdir:
“Əgər məqsəd, sualı verənin dediyi kimi, “insanlara xatırlatmaq və olara fayda verəcək şeyləri öyrətməkdirsə, bunda bir problem yoxdur. Yox əgər məqsəd şeytandan və ya cindən qorunmaqdırsa, bunun əsli olduğuna dair bir dəlil bilmirəm. Bunun kimi, maşına,bərəkət məqsədi ilə Quran qoymağın da dəlili yoxdur və bu doğru deyil. Fəqət əgər maşına Quranı vaxt aşırı oxumaq üçün və ya maşına minənlərin arada oxumaları üçün qoyularsa, bu gözəl bir əməldir və bunda heç bir qəbahət yoxdur.
Abdulaziz b.Baz; Fətava İslamiyya; c:4, s: 29
Tarix: 02.04.2013 / 20:46 Müəllif: *Beyaz_Gul* Baxılıb: 142 Bölmə: Maraqlı melumatlar