Haqqinda.az

Piroqun hazırlanması asandır, dadı da çox maraqlıdır. Əvvəlcə pendirli qarışıqdan 4 nazik biskvit hazırlanır. Sonra bu biskvitlərin arasına toyuqdan və ya hind quşundan hazırlanan farş yayılır, piroq folqa kağızına bükülür və sobaya verilir. Nəticədə ortaya maraqlı bir yemək çıxır – yumuşaq və ləzzətli, görünüşü də qeyri adi. Nuş olsun!

Toyuqlu Qat-Qat Piroq

Təxminən 10 pay üçün

Pendirli Biskvitlər Üçün
5 yumurta
3 xörək qaşığı mayonez
3 xörək qaşığı mannı və ya adi ağ un
400 qram sürtgəcdən keçirilmiş bərk pendir (məsəl üçün Çedar pendiri. Bir neçə pendirin qarışığı da ola bilər, amma aralarında mütləq sarı rəngdə bir pendir olsun)

İçi Üçün
1 kilo çəkilmiş toyuq filesi (çəkilmiş hind quşu əti ilə əvəz edə bilərsiniz)
6 xörək qaşığı yağ (duru və ya kərə)
2 ədəd orta boy baş soğan – xırda-xırda doğrayın
Zövqə görə duz
Zövqə görə istiot
Xırda-xırda doğranmış şüyüd – zövqə görə (zəruri deyil)

Hazırlanma Qaydası

Ölçüləri 33 x 28 sm olan 2 ədəd soba listinin dibinə perqament kağızı sərin.

Sobanı 180Cdək qızdırın.

Pendirli biskvitləri hazırlayın. Bunun üçün yumurtaları mikser və ya çəngəllə yaxşıca çalın. Mayonez, mannı və ya un, və pendiri əlavə edib qarışdırın.



Alınan qarışığı iki hissəyə bölüb, hazırladığınız listlərə töküb yayın.



Biskvitləri sobanın orta rəfində bir az qızaranadək bişirin. Sobadan çıxardıb, kənara qoyun ki, biskvitlər soyusun.



İndi isə hər biskviti ortadan (uzunlamasına deyil) ikiyə kəsin. Beləliklə 4 biskvitiniz olacaq. Yavaşca biskvitləri perqament kağızından soyub çıxardın.



İçi hazırlayın. Bunun üçün tavada yağı qızrıdıb, soğanı bu yağda qızardın. Kənara qoyub soyudun. Ət, duz, istiot və göyərtini buraya əlavə edib qarışdırın.

Sobanı 160Cdək qızdırın.

Folqa kağızını iri-iri kəsib listin üstünə elə sərin ki, listin dibini tamamilə örtsünlər və şəkildəki kimi, kənarları sobadan qırağa çıxsın.



Biskvitlərdən birini listin ortasına yerləşdirib, için üçdə bir hissəsini üstünə yayın.



İkinci biskviti bunun üstünə yerləşdirib, içdən yayın.



Beləcə davam edin. Axırıncı biskvitlə piroqu örtün.



Folqa kağızının kənarlarıyla piroqu şəkildəki kimi örtün. Piroqu 50 dəqiqə ərzində bişirin.



Sobadan çıxardın.



Qoyun piroq folqanın içində 10-15 dəqiqə dincəlsin. Sonra isə folqanı açıb, piroqu süfrəyə verin.