Haqqinda.az

Piroqun dadı sizin fantaziyanızdan asılıdır

Ərzaqlar:

1,5 stəkan qaragilə

4-6 x.q. şəkər tozu

Xəmir üçün:

2 stəkan un

200 qram kərə yağı və yaxud marqarin

2-3 x.q. şəkər tozu

1 ç.q. vanil şəkəri

Bir çimdik duz

1 yumurta sarısı

Şirə üçün:

180-200 qram xama

2 ədəd yumurta

2-3 x.q. şəkər tozu

1 ç.q. vanil şəkəri

2 xəqə kartof nişastası

Hazırlanma qaydası:

Xəmiri hazırlayıb, soyuducuya yerləşdirin. Qaragiləni yuyub, təmizləyin. Giləmeyvənin yarısına, istəsəniz 3-4 xörək qaşığı şəkər tozu əlavə edə bilərsiz.

Xəmiri soyuducudan çıxarıb, yayın. Sonra xəmiri xüsusi forma qabına yerləşdirin. 190-200 dərəcə qızdırılmış sobada 10-12 dəqiqə ərzində bişirin. Bişmiş xəmiri sobadan çıxarıb, üzərinə əvvəl şəkər tozu ilə qarışdırılmış qaragiləni, sonra isə qalan qaragiləni yerləşdirin. Giləmeyvələrin üzərindən 2-3 xörək qaşığı şəkər tozu gəzdirin.

Piroqun şirəsini hazırlamağa başlayın.

Şirəni hazırlamaq üçün: boşqabda yumurta, xama, şəkər tozu, vanil şəkəri və nişastanı yerləşdirib, yaxşıca çalın.

Hazırladığınız şirəni piroqun üzərindən gəzdirin.

200 dərəcə qızdırılmış sobada 15-20 dəqiqə ərzində piroqu bişirin.

İstəsəniz piroqu təkcə qaragilədən yox, müxtəlif giləmeyvələrdən hazırlaya bilərsiz. Məsələn moruq, çiyələk, qaragiləni şaftalına kombinə edib hazırlaya bilərsiz. Piroqun dadı sizin fantaziyanızdan asılıdır. Nuş olsun!