Orqanizimdə kalsium az olduqda sümüklər gözlənildiyi kimi inkişaf etmir. Sümüklərdə yumşalma halları və xəstəliklər olur.
Osteoporoz kimi problemlərin ortaya çıxmasında yaş faktorundan əlavə genetik faktorlar və cinsiyyət xüsusi rol oynayır.
Qadınlarda menopauza sonrasında daha tez görülür. Bu xəstəlikdən qorunmaq üçün lazımi prosedurlar gözlənilməli, düzgün qidalanmaya, günəş vannasına, aktiv həyat tərzinə diqqət edilməlidir.
Trakya Universitetinin dossenti Dr. Kabayel sümüklərin inkişafı və güclənməsi üçün daha çox günəş vannasını məsləhət görür.
Araşdırmalara görə, günəş vannasını səhərlər saat 11.00-a qədər, günorta 16.00-dan sonrakı saatlar almaq olar.
Bu saatların xaricində isə kölgədə istirahət etmək lazımdır.
Ultrabənövşəyi şüalanma orqanizmdə toplana və illər keçdikdən sonra öz fəsadlarını üzə çıxara bilər.
Bu baxımdan Günəş vannasını, tədricən, qəbul etmək lazımdır. Gündə 10-15 dəqiqədən başlayaraq, bu vaxtı 5 dəqiqəyə qədər artırmaq olar.
Dünyada canlı varlıqlar üçün həyat qaynağı olan günəş eyni zamanda fotosintez və D vitamininin meydana gəlməsini təmin edir.
İstilik və işıq yaymaq, mikrobları öldürmək və insan psixologiyasına müsbət təsir etmək kimi saysız faydaları var.
D vitamini xüsusilə uşaq və yaşlılar üçün faydalıdır, bədəndəki kalsium tarazlığını qoruyur, sümüklərin və bədən quruluşunun inkişafında mühüm rol oynayır.
Bu vitamini günəşdən, dəniz məhsullarından, qaraciyərdən, yumurtadan, süd və süd məhsullarından almaq olar.
Tarix: 08.01.2015 / 11:48 Müəllif: Aziza Baxılıb: 20 Bölmə: Saglamliq