Ana

Ey dünya, səsimə səs verin mənim,
Anadır həyatda mənim həmdəmim
Anadır sevincim, anadır qəmim,
Mənim həyatımda elə anadır.

Ana əyilməzdir, ana müqəddəs
Qoy bütün dünyaya yayılsın bu səs!
Bir insan havasız yaşaya bilməz,
Bizə havadan da vacib anadır.

Uşaqkən qədrini bilmirdim sənin
Öpməzdim ağarmış telindən ana.
İndi can üstəsən nə mənası var,
Yüz kərə öpsəmdə əlindən ana.