Haqqinda.az

Müqəddəs yurdunda sərt doğulmusan
Düşmən ürəyinə dərd doğulmusan
Anadan dünyaya mərd doğulmusan
Səninlə fəxr edir bir ölkə sənsiz

Danışan dillərdə sözün qalıbdı
Düşmən ürəyində közün qalıbdı
Qəhrəman oğulsan izin qalıbdı
Səninlə fəxr edir bir ölkə sənsiz

Qardaşı düşəndə yada qardaşım,
Atarmış özünü oda qardaşım.
Getmədi həyatın bada qardaşım
Səninlə fəxr edir bir ölkə sənsiz

Milyonlar dilində tutulub ağın,
Canından çox sevdin vətən bayrağın
Ölərkən qucduğun ana torpağın-
Qübar dənizində batıbdır sənsiz