Gəl Tut əllərimi, Duyum Sən Varsan!
Ürək ağlamasın, qoy həsrətindən,
Hər dəfə qəlbimdən siləndə səni.
Gözə iz düşməsin öz nifrətimdən,
Başqa bir insanla görəndə səni.
***
Könlüm nə susmayır, nə də dinməyir,
Axan göz yaşımı əlim silməyir,
Ürək pıçıltıyla səni səsləyir,
Hər dəfə yol üstə görəndə səni.
***
Gəl tut əllərimi, duyum sən varsan!
Qoy həyatı sevim, çünki, həyatsan
Sən mənim qəlbimdə yanan ocaqsan,
Qızınım istinə sevəndə səni.
***
Qəlbimə vurulan bir oxsan deyə,
Çəkdiyim əzabsan sən ahsan deyə,
Yanaxda damlasan, sən yaşsan deyə…….
Əllərim titrəyir siləndə səni.
Tarix: 19.11.2013 / 03:43 Müəllif: Akhundoff Baxılıb: 100 Bölmə: Azerbaycan Edebiyyatindan
loading...