İnsan iki şeyi gizlədə bilməz. Sərxoş olduğunu və sevdiyini.
Məncə ikisi də şişirdildiyi qədər gözəl şeylər deyil. Çünki, ikisinin də axırı eynidir: yalanlar, uzaqlaşmalar, xəyanətlər, səhvlər, sınmış ürəklər, qısqanclıqlar, peşmanlıqlar……… Yaşananda gözəl, qurtaranda isə acı hekayələr.
Dərəcəsini düzgün hesablamaq lazımdır. Yoxsa hər ikisində sonu pis ola bilər. Heç vaxt etməyəcəyin şeyləri etdirər, biyabırçılıq yaşadar, yazıq gününə düşərsən. Bir az əylənmək üçün bunları etməyə dəyməz qadası.
Xoşbəxt sevgi haqqında yazılmış hansısa mahnı eşitmisən? Və ya axırı yaxşı qurtaran unudulmaz bir sevgi hekayəsi oxumusan? Əzizim nağıllardan danışmıram. Yaxşı ki, onlar ən bezdirici yerdə bitir. Şəhzadə ilə gözəl qız qovuşur, öpüşür, dünyanın sonuna qədər xoşbəxt yaşayır. Bəs sonra? Yəqin ki, sevgili olarlar. Nə bilim, hər halda biryerdə kinoya baxarlar, yeməyə gedərlər, gəzərlər, münasibətləri irəliləyəndə də evlənərlər. O hekayənin də danışılmalı mənası qalmaz.
Əsil haqqında danışılanlar qovuşa bilməyənlərin hekayəsidir. Pis ürəkli 3-cü insanlar, qürur, yalanlar, ifritələr, rəqabətlər, səhv başa düşməklər ya da ən pis olan sevən adamın özü.
Sevgi üçün yalan dedin, qısqandın, ağladın, qaçdın, uzaqlaşdırdın, arxasınca getdin….. Yaraladın, yaralandın, uzaqlaşmağa çalışdığın halda daha çox yaxınlaşdın.
Yaxşı ki, sevgi var. Yoxsa Roya, Aygün o mahnıları necə oxuyardı? Kinolarda nə göstərərdilər? Mənim kimi yazarlar nə yazardı? Sevgi çörəkmiş xəbərim yox
Tarix: 25.12.2012 / 20:32 Müəllif: *_*M_O_N_I_K_A*_* Baxılıb: 731 Bölmə: Maraqli Melumatlar ve gozellik sirleri