ABŞ Missuri-Kolumbiya Universitetinin alimləri yeni stomatoloji texnika üzərində işləyir. Bu, dişlərdə boşluq açmaq üçün aşağı temperaturun kimyəvi təsirindən istifadə edən qeyri-termal plazma apparatıdır. Tədqiqatçılar
yaxın gələcəkdə bu cihazın stomatoloqların istifadəsinə veriləcəyini bildirirlər. Hal-hazırda tətbiq olunan boşluq müalicəsində stomatoloq dişin zədələnmiş nahiyəsini burğulayır və sonra alınan boşluğu dolduraraq dişin əvvəlki formasını bərpa edir. Bu zaman ağrı, vibrasiya hissi, səs-küy bir çox pasiyentlər üçün narahatçılıq törədir. Yeni cihazın fərqli işləmə mexanizmi ilə bütün bu problemlər aradan qalxacaq, proses ağrısız və səssiz olacaq. Bundan əlavə, boşluğu dolduran maddə ilə diş divarı bir-birinə burğu ilə və ya lazerlə müalicədə olduğundan daha möhkəm birləşəcək, beləliklə də, plomb daha keyfiyyətli alınacaq.
Tarix: 07.01.2013 / 19:53 Müəllif: *_*M_O_N_I_K_A*_* Baxılıb: 341 Bölmə: Umumi Xestelikler