Qadın və kişinin xəyanət etmə səbəbləri uzun müddət müzakirələrə səbəb olub. Bu yöndə aparılan araşdırmalar nəticəsində tərəflərin xəyanət etməsinə səbəb olan amillər, onları aradan qaldırmaq yolları haqqında müxtəlif nəticələr əldə edilib.
Mövzu ilə əlaqədar İngiltərədə keçirilən bir sorğunun nəticələri isə belə deməyə əsas verir ki, evli cütlüklər əsasən aralarındakı isti münasibət bitdiyi zaman xəyanət edirlər. Bundan əlavə araşdırma nəticələri həmçinin onu da sübut edir ki, daha böyük şirkətlərdə işləyən və ya öz şirkətini quran kişilər xəyanət etməyə daha meyilli olurlar. İşləyən xanımlarla müqayisədə isə işsiz ev qadınları xəyanət barədə daha çox düşünürlər.
Bu araşdırma zamanı ortaya çıxan digər bir maraqlı fakt isə ondan ibarətdir ki, 40 və daha çox yaşı olub 7-8 ildir evli olan cütlüklərdə xəyanət etmək “potensialı” daha çoxdur.
“Daily Mail” qəzetinin yaydığı məlumata görə isə əksər hallarda bütün vaxtını işə sərf edən tərəflər zaman keçdikcə ortaq heç bir mövzularının, məşğuliyyətlərinin olmadığı qənaətinə gəlir və xoşbəxtliyi başqa ünvanlarda axtarırlar.
Tarix: 07.01.2015 / 14:19 Müəllif: Aziza Baxılıb: 39 Bölmə: Maraqsız