Səfiyev Əli Vəkil oğlu (Əli Vəkil) – şair, tərcüməçi, 1972-ci ildən Azərbaycan Yazıçılar Birliyinin üzvü, 1968-ci ildən Azərbaycan Jurnalistlər Birliyinin üzvü, "Araz" ali ədəbi mükafatı laureatı (1998).Mündəricat [göstər]
Həyatı
Əli Vəkil 1938-ci il iyunun 10-da Basarkeçər rayonunun (indiki Vardenis) Yuxarı Şorca kəndində kolxozçu ailəsində anadan olmuşdur. Orada Şişqaya kənd orta məktəbini bitirib Yerevanda X.Abovyan adına Ermənistan Dövlət Pedaqoji İnstitutunun fizika-riyaziyyat fakültəsinin Azərbaycan şöbəsində təhsil almışdır (1955-1960). Əmək fəaliyyətinə Ermənistan Dövlət Televiziya və Radio Verilişləri Komitəsinin Azərbaycan dilində verilişlər redaksiyasında diktor-redaktor kimi başlamışdır (1960-1972). Həmin dövrdən bədii yaradıcılığı davam etdirir. Eyni zamanda tərcümə ilə də məşğul olur. L.Adyanla birlikdə Bəxtiyar Vahabzadənin "Vicdanın səsi" pyesini, S.Xocayanla birlikdə Bayram Həsənovun "Ayaz" povestini erməni dilinə çevirmişdir. Onun erməni ədəbiyyatından doğma dilə tərcümələri də vardır. M.A.Əliyev adına Azərbaycan Dövlət İncəsənət İnstitutunun teatrşünaslıq fakültəsini qiyabi bitirmişdir (1970). Azərbaycan Dövlət Televiziya və Radio Verilişləri Komitəsinin Xəbərlər Baş redaksiyasında redaktor (1972-1975), M.A.Əliyev adına Azərbaycan Dövlət İncəsənət İnstitutunda laborant (1975-1977), Yazıçılar İttifaqının orqanı "Qrakan Adrbecan" ("Ədəbi Azərbaycan") jurnalı redaksiyasında şöbə müdiri (1977-1988), sonra məsul katibı (1988-1990), Azərnəşrdə "Göy qurşağı" redaksiyasının müdiri (1990-) olmuşdur.
Məqalələri
"Balaca Firuzənin böyük gələcəyi". Ekspress qəzeti. № 195(2373). 27 oktyabr 2007-ci il.
"Ot kökü üstə bitər". Ekspress qəzeti. № 225(2403). 8 dekabr 2007-ci il.
Əsərləri
1. Sona bulağı. Yerevan: Haypethrat, 1963, 44 səh.
2. Zəfər çələngi. Yerevan: Hayastan, 1967, 80 səh.
3. İki günəş. Yerevan: Hayastan, 1971, 64səh.
4. Əli Şahsabahlı. Yerevan, Hayastan, 1973, 84 səh.
5. Ata həsrəti. Bakı: Gənclik, 1979, 36 səh.
6. Göyərçinlər. Bakı: Gənclik, 1983, 64 səh.
7. Azərbaycan-erməni teatr əlaqələri. Bakı: İşıq, 1983, 72 səh.
8. Yeddi dağ. 1984, 104 səh.
9. Tovuz "Qələbə sovxozu". Bakı: İşıq, 1985, 52 səh.
10.Şəlalə (şerlər və poemalar), Bakı: Gənclik, 1988, 143 səh.
11.Ana qayğısı. Bakı: Yazıçı, 1991, 200 səh.
12.Ellərin İsgəndəri. Bakı: "Azərbaycan Ensiklopediyası" NPB, 2003, 190 səh.
13.Əbədi dünya (poema). Bakı: Nurlan, 152 səh.
14.Doğma yollar
15.Ömür karvanı
16.Kişi ömrü
17.Fərizə-İlham dastanı
18.Cərrah Vaqif möcüzəsi
19.Əbədi qəhramanlıq
20.Qoşmalar
21.Aqillər, ariflər, alicənablar. Bakı: Azərnəşr, 2007, 304 səh.
Tarix: 14.01.2013 / 20:14 Müəllif: *_*M_O_N_I_K_A*_* Baxılıb: 631 Bölmə: Şairlər və Yazıçılar