Haqqinda.az

Dünya ulduzlarının gözəllik sirləri bir çox qadınları maraqlandırır.

Qadinlar.Biz cəzibədarlığı ilə göz qamaşdıran məşhurların məsələhətlərini sizə təqdim edir.

Dəniz Səki

Türkiyəli müğənni Dəniz Səki gözəlliyini qorumaq üçün həftədə bir dəfə xüsusi maska ilə dərisinə qulluq edir. Türk qəhvəsi içməyi xoşlayan Dəniz qalığını atmır və onu üzünə maska kimi istifadə edir. Qəhvənin dərini qidalandırdığını deyən müğənni qüsursuz cildə məhz bu maska ilə nail olur.

Aydan Şener

Çalıquşu” serialı ilə sevilən türkiyəli aktrisa Aydan Şenerin gözəllik sirrinə gəlincə, o, adi günlərdə daha çox makiyajdan uzaq durmağa çalışdığını deyir. Aktrisa təbii üsullarla gözəlləşməyin tərəfdarı olduğunu söyləyir. Tez-tez təbii maskalardan yararlanan Aydan Şener cəfərini qaynadaraq onun suyundan tonik kimi istifadə edir.

Pınar Altuğ

"Çocuklar duymasın” serialı ilə hər kəs tərəfindən sevilən türkiyəli aktrisa Pınar Altuğ gecələr yatmazdan əvvəl kirpiklərinə badam yağı sürtür. Üzünün dərisini təravətli saxlamağa çalışan gözəl xanım tərəvəzlərdən maskalar hazırlayır və dərinin təmizliyini qorumaq üçün gül suyundan istifadə edir.

Çağla Şikəl

Türkiyəli müğənni Emrə Altuğun həyat yoldaşı model Çağla Şikəl gözəlliyinin sirrini suda görür. Hər gün davamlı olaraq yuyunduğunu deyən Çağla qadınlara bir sıra məsləhətlər verib: "Mən də əksər xanımlar kimi arada yeni çıxan kremlərdən yararlanmağa çalışıram. Doğrudur, faydasını gördüklərim də olur, amma mən suyun həyat olduğuna inanıram. Gündə iki dəfə yuyunuram və 2 litr su içirəm. Gözəlliyimin sirrini də bunda görürəm”.

Ketrin Zeta Cons

Ketrin Zeta Jons dişlərinin ağappaq görünməsinə görə, çiyələyə borclu olduğunu deyir. Çiyələkdə olan maddələr parıldadıcı və təmizləyici xarakterə malikdir. Bu xüsusiyyətlər almada da mövcuddur.

Culiya Roberts

Məşhur aktrisa əl və ayaq dırnaqlarına zeytun yağının köməyi ilə qulluq edir. Mütəxəssislərin rəyinə əsasən, zeytun yağının tərkibində olan Omega 9, E və K vitaminləri əllər və dırnaqlar üçün çox faydalıdır.

Sindi Krouford

Dərisinin yumşaqlığını və nəmliyini qorumaq üçün Sindi Krouford üzünü təmizləmək üçün istifadə etdiyi suya bir az süd əlavə edir. Südün tərkibində olan protein və vitaminlər dərinin nəmləndirilməsində əvəzsiz rol oynayır.