"Dar günün dostu" – Akif Abbasov tərəfindən yazılmış povest və hekayələr toplusu. Kitabın redaktorları professor Telman Vəlixanlı və əməkdar jurnalist Möhsüm Xəlilovdur.
Məzmun
"Dar günün dostu" povestində hadisələr əslində həqiqi xəyanətin üzərində qurulmayıb. Qısqanclıq müxtəlif xalqlarda, xüsusən Azərbaycan ailələrində məhəbbətin qayçısı rolunu oynayır. Kiminsə bilərəkdən, qəsdən, yaxud kişi və qadının özünün ehtiyatsız hərəkəti ucbatından ər-arvad, sevgililər arasında anlaşılmazlıq yaradır. A. Abbasovun povestində Leyla Səliməni təhlükədən qurtarır, ailəsinin dağılmasına imkan vermir. Fədakarlığın əvəzində isə həmin Səlimə onun özünü təhlükədə qoyur, onun barəsində söz-söhbətin yaranmasına səbəb olur. Şübhələr qəlbini didib-parçalayan Vahid axıra qədər Leylanı dinləmir. Və beləliklə, gənc ailənin dayaqları sarsılır.
Povestdə dost köməyinin gücü parlaq boyalarla verilmişdir. Jurnalist Toğrul hadisələrin izinə düşərək, dolaşıq kələfin düyünlərini açır, günahkarları ifşa edir və gənc ər-arvadı qovuşdurur.
Kitaba daxil olan hekayələrdə ("Öz dananın əti kimi", "Kəm pul", "Çay qonaqlığı", "Bəhrəmtəpə əhvalatı", "Dərman", "Öldüm partladım yeməkdən" və s.) ədabazlıq, insanları aldatmaq kimi mənfi sifətlər pislənir.
"Çamadan əhvalatı" və "Pencək" hekayələrində qocalığın gətirdiyi problemlər, xeyirxahlıq, insanlara qayğının vacibliyi diqqət mərkəzinə gətirilir.
Kitab yeniyetmə, gənclər və geniş oxucu kütləsi üçün nəzərdə tutulmuşdur.
Tarix: 14.03.2013 / 20:45 Müəllif: *_*M_O_N_I_K_A*_* Baxılıb: 294 Bölmə: Kitablar elm