Xanımlar üçün
Əlləriniz çox kobudlaşmış və dırnaqlarınız sınmışsa, onları qızdırılmış günəbaxan yağında 10-15 dəqiqə saxlayın. Sonra isə əllərinizi ancaq salfet ilə silin (yumayın).
Sıxılmış limonu atmamışdan əvvəl onu əllərinizə çəkin və həmçinin, turşuya qoyulmuş xiyarın suyunda əllərinizi vanna edin.
Yorğunluğu götürmək üçün ayaqları duzlu suya (2 litr suya 1 xörək qaşığı duz əlavə ediləməlidir) qoyurlar.
Xörək hazırlayarkən çatlamış əllərinizə iş arası xiyar, pomidor, kartof püresi çəkmək və kartof bişirilmiş suda əllərinizi yaxalamaq xeyirlidir.
Əllər ağarsın deyə, onları sirkə tökülmüş ilıq suda saxlamaq lazımdır. Qədim xalq təbabətinə görə, çiy süd və ya limon şirəsi qatılmış su ilə vanna etmək yaxşı kömək edər.
Əgər əllərinizdə ziyil əmələ gəlmişsə, gündə 4-5 dəfə təzə kartof, sarımsaq çəkin. Ziyilin üstünə külləmə soğan qoymaq məsləhət görülür. Onu kəsmək və zədələmək olmaz, yaxşı olar ki, həkimə müraciət edəsiniz.
Tez-tez quruyan və qabıq verən dodaqlara 1%-li bor turşusu məhlulu çəkir və bitki yağı sürtürlər.
Ayaqlarınız yorulmuşsa, sərin su ilə yuyun, sonra dabanlarınıza krem çəkin və dabandan dizə qədər masaj edin.
Yanmış yerə yumurta ağında isladılmış əski qoyurlar. Bu, ağrını azaldır və yara daha tez sağalır. Yanmış yerə tünd çay, tünd-bənövşəyi marqans (manqan) məhlulu, ya da odekolon çəkmək olar.
Tarix: 25.05.2013 / 19:47 Müəllif: *_*M_O_N_I_K_A*_* Baxılıb: 146 Bölmə: Maraqli Melumatlar ve gozellik sirleri