Haqqinda.az

Dərs 1.Sual:
- Müasir sevgi münasibətləri Romeo və Cülyettanın faciəli sevgisindən nə ilə fərqlənir?




Kim isə yerindən cavab verir:
- Onlar yatağı bölüşməmişdilər!
Bütün sinif gülür.Müəllim ciddiliyini pozmadan yerindən danışan şagirdə baxır:
- Onda elə sən cavab ver,niyə?Onların bunu etməyə imkanlarımı olmadı?Nə mane olurdu onlara?
- Adər ənənə yəqin ki başqa idi o zaman.Toya qədər heç nə etmək olmazdı.


-Əla. Bəs bu adət və ənənələri kim yaradır?
- Hansı mənada?
- Elə hər mənada.Kimdir bu adətlərin müəllifi? Biz, prezident, başqa planetdən gələnlər?
- Əlbəttə ki,biz!
- Bəs müasir adətlər,dəblər sizin ürəyinizcədirmi?
- Mənim nəyimə lazım ey? Belə yaradıblar,belə də gedir.Şəxsən mənim xoşuma gəlmir müasir adətlər.
Müəllim sinfə baxdı:
- Yaxşı.Müasir adətlərdə,dəbdə məhz nə sizin xoşunuza gəlmir?
Kimsə dedi:
- Mənim xoşuma gəlmir ki,indiki qızlar küçə qızları kimi geyinir. Elə özlərini də elə aparırlar. Fikirlərində yalnız pul və axşamı hansı dəstə ilə keçirəcəkləridir. Mən hansınısa dəvət etsəm getməz mənimlə, amma hansısa maşınlı və pullu dayday dəvət etsə gedəcəklər.




Müəllim susur, sinfin reaksiyasını gözləyir.


- Hə,hə.Özlərini allah bilir hansı yola qoyublar. Sonra da üzlərinə bunu deyəndə hirslənib hay küy salırlar.Guya mələkdirlər!
- Məktəbə,universitetə elə geyinirlər ki elə bil party-yə, ya qonaqlığa gedirlər.Hələ danışdıqlarına qulaq asasan. Bütün günü söhbətləri oğlanlar, geyim, paxıllıq. Kosmetikaları da hətta dərsdə də sifətlərindən əskik olmur. Elə bilirlər malalamaqla eyiblərini gizlədə biləcəklər.




- Hələ siz bir özünüzə baxın! Mən ola bilər ki bəzənirəm, kosmetikadan çox istifadə edirəm. Bəs sən neynirsən? Səhər tezdən pivə əlindən düşmür. Siqareti hələ demirəm. İlk dərsdən sizə yaxın durmaq olmur. Telefon da ki allaha şükür yalnız qız tutmaq üçün lazımdır sizə. Hansı normal qız sizə yaxın durar ki! Siqaret, pivə,allah bilir nə...bütün günü iylənirsiniz!
- Hə də,hamınız eləsiniz də. Bir dəfə gül gətirməzsiniz qızlara. Keçmişdə oğlanlar qızların çantasını götürərdi. Onlara pərəstiş edərdi ey! Neçə ildə hansınızdan görmüşük bunu?!
- Nəyə görə sənə gül gətirməliyəm ki ? Bu axı müasir qızların heç xoşuna gəlmir. Sizi kafeyə dəvət edəsən, bir də maşınlarda gəzdirəsən!


- Nə bilirsən? Sən heç bir dəfə də olsun bunu sınamısan? Nə bilirəsən xoşumuza gəlmir?

- Nəyə görə sınamalıyam ki? Sənin yubkan qulağından yuxarıdır, bir özünə baxmısan? Alt paltarın bir kilometrdən görünür. Normal geyinsən, bəlkə mən elə sənin çantanı da götürərdim. İndi elə geyinirsiniz ki,mən səni tanıdığımı deməyə utanıram, qaldı səninlə yanaşı gəzmək.




- Mən də səninlə yanaşı getməyə utanıram.Geyimə bax, dərsə də pivəxanaya gəlirmiş kimi gəlirsən! - Heç özündən xəbərin yoxdur ey, elə sözlər işlədirsən ki danışanda adam utanır səni dilləndirməyə. Ömründə bir şeiri axıracan öyrənmisən görəsən?
- Sizinlə başqa cür danışanda başa düşürsünüz ki? Yoxsa ki özün şeirlə danışırsan?!





- Dayanın! – müəllim mübahisəni kəsdi –İndi isə deyin görüm, niyə siz bir-birinizlə normal danışa bilmirsiniz? Niyə mütləq kənardan kiminsə müdaxiləsi sizi belə dialoqlara gətirib çıxarır?Və...






Bu günkü dərsimizin sualı: Biz dinləməyi bacarırıqmı?

Ən başlıcası bir birimizə sonadək qulaq asıb dinləyə bilirikmi?