İki rəfiqə görüşdüyü zaman birinci növbədə kişilərin qeybətini edirlər. Onlar kişiləri yola gətirməyi, münasibətlərinin hər zaman yaxşı olması üçün “axmaq sarışın” roluna girmək lazım olduğunu düşünürlər. Çünki kişilərin əslində güclü və ağıllı qadın istəmədiyinə inanır, münasibətləri davam etdirmək üçün özlərini fəda etmək gərəkliyini düşünürlər.
Görəsən, münasibətlərinin yaxşı olmamasının mənbəyi sizin ağıllı və güclü olmağınızdırmı? Özünüzü kişinin istəklərinə uyğun dəyişdirmək yerinə, qarşınızdakı kişiyə real gözlərlə baxın. İllərdir yaşadığınız eyni problemə baxış nöqtənizi dəyişdirməyin zamanı gəlib. Belə ki, fəlsəfə tarixinin ən dəyərli isimlərdən biri, həm ssenari, həm də roman yazarı və güclü qadın obrazı ilə tanınan Ayn Rand “Atlas vaz keçdi” adlı romanında kişilərin niyə ağıllı qadın istəməməsinin səbəbinin məntiqi izahını verib.
“Öz dəyərindən əmin olan və bundan qürur duyan kişi ən yüksək qadın tipini axtarır. Bəyənəcəyi qadın tipi güclü, fəth edilməsi çətin olmalıdır. Çünki kişilər qadını çətinliklə əldə edə bildiyi zaman özünü romanın qəhrəmanı kimi hiss edir. Beyinsiz bir qadını fəth etməyi uğur hesab etmirlər. Onun axtardığı, öz dəyərini tapmaq deyil, öz dəyərini ifadə edə bilməkdir. Zehnin standartları ilə bədənin arzuları arasında heç bir ziddiyyət yoxdur. Amma özünə qiymət verməyən adam, hətta nifrət etdiyi qadını cazibədar hesab edir. Çünki o qadın onun gizli mənliyinin təzahürdür”.
Tarix: 28.11.2014 / 14:08 Müəllif: Aziza Baxılıb: 155 Bölmə: Kişiler haqqında