Haqqinda.az

Hələ dünənə qədər hər şey yaxşı idi.Hər gün danışırdılar,görüşürdülər.Oğlan ona sən mənim həyatımın mənasısan deyirdi,valideynləri ilə tanış olmaq istəyirdi.Həyatının bütün vacib günlərini əzbər bilirdi,diqqətli,mehriban,qaygıkeş idi.Elə bil həmişə də bele olacaqdı.Və bir gün zəng edir,heç nə izah etmədən ayrilaq deyir,hər şey bitdi deyir.Səbəbi nədir anlatmadan dəstəyi asır.Niyə bu sevginin axarı birdən-birə belə dəyişdi?Onu geri qaytarmağa çalışmalımı,yoxsa göz yaşlarını ürəyinə axıdaraq başını dik tutmalı, kədərini büruzə verməməli?

İlk növbədə bu qəribə hərəkətin səbəblərini aydınlaşdırmağa çalışmaq lazımdır.Səbəblər müxtəlif ola bilər.

Səbəb 1. Düşmən"lərini tapmaq!Paxıllıq insanı çox alçaqlıqlar etməyə qəder gətirib çixaran bir hissdir.Ətrafına bax,rəfiqələrinə,onun dostlarına.Əgər yanında kişilərə yazığı gəlməkdən başqa heç bir hiss duymadığını deyən rəfiqən, ya da onunla mübahisə edib dalaşarkən sonradan gəlib sənə təsəlli verməyə,sakitləşdirməyə çalısan dostu varsa məqsəd aydındır.

Səbəb 2. Ailə qurmaq,evlənmək qorxusu! Bu çox ciddi səbəbdir.Nikah kişi1ər üçün böyük məsuliyyətdir.Təəccüblü deyil ki,oglanların çoxu ən ciddi əlaqələri belə evlənmək qorxusuna görə poza bilir.Görəndə ki,artıq qız evlənmək təklifi gözləyir,münasibətlər də buna dogru gedir geri çəkilirlər.Səbəbini də izah etmədən qaçırlar.Yox,bəziləri,ağıllıları səbəb də göstərə bilir:sən daha yaxşısına layiqsən.

Səbəb 3. Onun sənə olan hissləri dogrudan da dəyişib!Bunu artıq müzakirə etməyə ehtiyac yoxdur.O səni daha sevmir,amma bunu izah etməyi lazım bilmir.Ciddi söhbətlər onunçün dözülməzdir.Ağrılı da olsa ən qəti yolu seçir.Münasibətlərə birbaşa nöqtə qoyur.Səbəbləri bildikdən sonra qərara gəlmək də asandır.Birinci 2 halda barışmaq,onu geri qaytarmaq qərarını qəbul etməzdən əvvəl yaxşı fikirləşmıək lazımdır:sənə belə oglan lazımdırmı?Axı bu gün başqalarının söz-söhbətlərinə,dedi-qodularına inanıbsa sabah kim zəmanət verir ki bu təkrar olmayacaq.Bir-birinə hörmət,inam ailədə sevgidən də vacibdir.Evlənməkdən,məsuliyyətdən qorxan oglanla xoşbəxt həyatı isə arzularında saxlasan yaxşıdır.Ən əsası oğlan səni daha sevmirsə bununla barışmaq lazımdır.Bu fikirləri başından çıxarmaq,həyata davam etmək lazımdır.Dünyanın sonu deyil,sənin isə öz xoşbəxtliyini tapmaq üçün kifayət qədər vaxtın var.