Xaç daşı
Mingəçevir kilsə kompleksi ərazisində arxeoloji qazıntılar zamanı üzərində tovuzquşları və müqəddəs xaç təsviri olan alban yazılı daş aşkarlanmışdır. Daş bəzi araşdırmaşılara görə xaç altlığı, bəzilərinə görə isə qurbangah olmuşdur. Daşın üzərindəki mətni Jost Gippert deşifr etməyi bacarmışdır: Ağamız İsanın adı ilə! Bu sütunun ... üzərində ucaldılmışdır ... xaç
Xosrovun 27-ci ilində
...birinci...
Abas, Çolanın yepiskopu hazırladı bu(nu).
Şamdan
Qazıntılar zamanı tapılan şamdan üzərindəki yazıları Volfqan Şulze 2003-cü ildə deşifr etmişdir. Şamdan ətrafındakı yazılar tam sıralanmadığı üçün düzgün cümlə qurmaq mümkün olmasa da, sözlər ayrılıqda deşifr olunmuşdur:
Mən...kafirlik...qul...Allah..bu..yalvarış
Mən...siz..et..et..sevgi
Yanğın...
Digər şamdanda isə çox güman bir neçə sözün qısaltması olan Alban hərfləri, "İsa" və "oğul" sözləri oxunur.
Tağlar
Qazıntılar zamanı tapılan məbəd tağlarının üzərindəki bəzi yazıları da deşifr edən Şulze bunları belə açıqlamışdır:
Mən..ortada..çünki..ruh..
Digər tağın üzərindəki yazı "Mana.." deyə oxunmuş, sonrası zədələndiyi üçün tam deşifr edilə bilməmişdir.
Tarix: 02.02.2015 / 13:53 Müəllif: Feriska Baxılıb: 216 Bölmə: Qafqaz Albaniyası