Haqqinda.az

Sual: Həyat yoldaşımla normal intim həyatımız var. Amma son vaxtlar «seksiz evlilik» anlayışımı tez-tez eşidirəm. Qorxuram ki, nə zamansa bu problemlə üzləşərik. Bunu yaşamamaq üçün nə edə bilərik?
Cavab: Əlbəttə ki, edə biləcəyiniz çox şey var. Daha çox seks! Seks, testosteronu qaldırır və bu da partnyorun istəyini artırır. 30 yaşdan sonra bu, daha vacib olmağa başlayır, çünki bədən daha az testosteron hasil edir. Olacaqlardan kənara çıxmayın və tez-tez ona toxunmağı unutmayın.
Sual: Bir neçə ay əvvəl həyat yoldaşımı təsadüfən kompüterdə pomofilmə baxan gördüm. Düzdür, heç nə demədim və özüm də onunla birlikdə seyr etməyə başladım. Bu yaxınlarda eyni şey təkrarlandı, amma bu dəfə soyuq-qanlığımı saxlaya bilmədim və onunla dava etdim. Hətta normadan artıq yataq münasibətimizin olduğunu düşünürəm. Bu vəziyyətdə nə edə bilərəm?
Cavab:Pornofilmlərə baxması sizin yataqda porno ulduzu olmanızı arzulaması demək deyil. Kişilər əsasən seks fantaziyalarını canlandırmaq üçün bu cür filmləri seyr edirlər. Yəni seks həyatınızın normal olması onun pornofilmlərə baxmasına mane olmur. Siz isə öz növbənizdə yataqda yeniliklər etməkdən çəkinməyin.
Sual: Seksual əlaqəm olmasına baxmayaraq, müntəzəm erotik yuxular görürəm. Bu nə ilə bağlıdır?
Cavab:Bunun bir çox səbəbi ola bilər. Araşdırmalar göstərir ki, menstruasiyadan öncə qadınların birlikdə olduqları kişidən başqa birini arzulamaları və onunla bağlı fantaziya qurmaları onların seksuallıq fəallığının artmasının göstəricisidir. Əsas yuxuda kiminlə olmanız deyil, nə etməyinizdir. Yuxu ifadəsini tapmamış şüurun məhsuludur. Sizə partnyorunuzdan nə gözlədiyinizi göstərir. Məsələn, əgər yuxuda supermarketdə kiminləsə sevişirsinizsə, demək ki, sizin partnyorunuzla münasibətinizdə həyəcan yoxdur. Doğrudur, yuxuda gördüyünüzün eynisini yaşamasanız da, yataqda partnyorunuzun yaramazlıq etməsinə şərait yarada bilərsiniz.
Sual: Partnyorum səhər saatlarında sekslə məşğul olmaq istəyərkən, mən axşam saatlarında aktiv oluram. Bu vəziyyətin seksual həyatımıza təsir edəcəyindən çox qorxuram. Bir çıxış yolu varmı?
Cavab:İkinizin libidosunun eyni vaxtda hərəkətə gəlməsini gözləməyin. Bu, heç vaxt üst-üstə düşməyə də bilər. Əgər partnyorunuz səhər fəaldırsa, ona uyğun hərəkət edin. Siz də eyni şeyi axşam ondan gözləyin.
Sual: Üç ildir ki, evliyik. Son zamanlar yataq problemləri yaşamağa başlamışıq. Mən əvvəlki kimi tez və güclü ehtiraslana bilmirəm. Ümumiyyətlə, sekslə məşğul olmaq mənə yük kimi gəlir. Bu hal məni də, həyat yoldaşımı da çox üzür. Nə edəcəyimi bilmirəm.
Cavab: Seksual ehtirasın azalması, yetkin münasibətlər üçün normadır. İntim həyatınızı canlandırmağı ikiniz də arzulamalısınız. Bunun üçün imkanlar çoxdur. Şəhərdən çıxın, istirahət edin, bu, seksual istəyi artıra bilər. Bir-birinizə sekslə bağlı sürprizlər edin. Bu hal sizi daha çox narahat etdiyi üçün təşəbbüskar da elə siz olun. Həyat yoldaşınızla bu haqda söhbət edin. Kişilər qadınlardan fərqli olaraq intim həyatlarından daha çox razıdırlar. Buna görə də qadın öz istəklərini çatdırmağı bacarmalı və fəal olmalıdır.
Sual: Qeyri-müntəzəm intim həyat qadının psixi və fiziki sağlamlığına təsir göstərə bilərmi?
Cavab: Fizioloji baxımdan seksual həyatın uzun müddət olmaması enerjinin daxildə yığılmasına səbəb olur. Əgər bir çıxış yolu tapmasa bu enerji təcavüzə çevrilib başqa obyektə yönələcək. Bildiyiniz kimi, bütün xəstəliklər əsəbdəndir, ona görə də nevroz qazanma təminatınız var.