Haqqinda.az

[color=#039b80]Sinqapur alimləri quş qripinin sürətli diaqnostikası üçün ucuz bir cihaz hazırlamışlar. Nature Medicine jurnalının verdiyi məlumata görə, yeni cihaz insan üçün təhlükəli olan H5N1 ştammını 30 dəqiqə ərzində təyin etməyə imkan verir.
Quş qripinin diaqnostikasında indiyə qədər tətbiq olunan üsulda isə bu prosesə 4 saatdan daha çox vaxt və laboratoriya şəraiti lazım idi.


Biomühəndislik və Nanotexnologiya İnstitutu alimlərinin hazırladığı bu yeni cihaz olduqca sürətlidir və ucqar kənd regionlarında meydana çıxan quş qripi infeksiyası hallarının əməli surətdə aşkarlanması üçün tətbiq oluna bilər. Cihaz öz-özlüyündə əsnəkdən götürülmüş nümunəni analiz edən mini-laboratoriyadır. O, eyni zamanda virusu ayırır, təmizləyir və virus RNT-si kopyalarının miqdarını diaqnostik testin aparılması Ardı »

[color=#f82e00]Cənubi Koreyanın Konstitusiya Məhkəməsi qəbul etmişdir ki, ekstrakorporal mayalanma (EKM) nəticəsində alınan embrionlar insan deyillər və buna görə də, insanların malik olduğu əsas hüquqlar onlara şamil edilməməlidir. Bu haqda JoongAng Daily məlumat vermişdir.
Dondurulmuş embrionların məhv edilməsi və ya tibbi tədqiqatlarda istifadə olunmasının onların insani hüquqlarını pozduğunu bəyan edən 13 şəxsdən ibarət şikayətçi qrupunu dinlədikdən sonra hakimlər yenə də mövcud qanunvericilikdə heç bir dəyişiklik etməmişlər. Bu qanunlara görə, embrionlar üzərində yuxarıda adı çəkilən əməliyyatları icra etməyə icazə verilir. Bundan əlavə, reproduktologiya klinikaları yaradılmasından 5 il sonra bütün saxlanılmış embrionları onların toplanması və qeyri-qanuni məqsədlərlə istifadəsinin qarşısını almaq üçün özləri məhv etməlidirlər.
Məhkəmənin fikrincə, Ardı »

Böyümə hormonunun (somatotrop hormon, somatotropin) sintezi və sekresiyası hipotalamusdan ifraz olunan rilizinq-hormon və somatostatinin idarəsinə tabedir. Böyümə hormonunun sekresiyasını artıran faktorlara aclıq hipoqlisemiyası (qanda şəkər səviyyəsinin aşağı olması), stressin müxtəlix növləri və xüsusilə, intensif fiziki iş misal ola bilər. Hormon həmçinin, dərin yuxuda olarkən ifraz olunur. Bundan əlavə, stimulyasiya olmadıqda belə, hipofiz epizodik olaraq çoxlu miqdarda böyümə hormonu sekresiya edir.
Böyümə hormonu haqqında bəzi bilinməyən cəhətlər olmasına baxmayaraq, onun uşaqların normal fiziki inkişafındakı rolu şübhəsizdir. Fizioloji şəraitdə böyümə hormonunun sekresiyası başqa hormonlarda da olduğu kimi epizodik xarakter daşıyır. Uşaqlarda gündəlik ifraz olunan böyümə hormonu miqdarı yaşlılara nisbətən xeyli çoxdur və yaş artdıqca Ardı »

Qadınlarda klimaksın mənfi nəticələrinin aradan qaldırılması üçün istifadə olunan əvəzedici hormonal müalicə seksual meyli artırmağa kömək edir. Tərkibində progesteron və estrogen olan "Prempo" dərman preparatını sınaqdan keçirən Çikaqo İllinoys Universiteti alimləri belə nəticəyə gəlmişlər.
Polin Makinin rəhbərliyi altında aparılan tədqiqatda 182 nəfər qadın iştirak etmişdir. Menopauza dövrünə girdikdən sonra onların yarısı kombinə olunmuş hormonal preparat, digər yarısı isə plasebo qəbul etmişlər.


Dörd aydan sonra alimlərin apardığı sorğu göstərmişdir ki, kontrol qrup ilə müqayisədə hormon qəbul etmiş qadınlar seks barədə 33% çox düşünmüş, 44% artıq cinsi meyl hiss etmişlər.
Postmenopauza dövrünə qədəm qoyduqda cinsi aktivlik xeyli aşağı düşür. Statistikaya görə, qadınların 30-70%-i seksual meylin yoxluğu Ardı »

[color=#f82e00]Əvvəldən də bildiyimiz kimi, köklük sağlamlığa ziyandır. Lakin son vaxtların elmi tədqiqatları göstərmişdir ki, arıqlıq orqanizm üçün köklükdən daha təhlükəlidir. Başqa sözlə desək, çox kök və çox arıq insanlar həyatlarını genetik müəyyən olunmuş zaman müddəti qədər davam etdirə bilməmə təhlükəsi altındadırlar. Bəs uzunömürlülük və sağlamlığın “qızıl mərkəzini” harada axtarmaq lazımdır?

Köklərdən başlayaq. Onlarda adətən təngnəfəslik, artmış infarkt, insult, şəkərli diabet, hipertoniya, ateroskleroz riski və s. müşahidə olunur. Belə çıxır ki, bütün bu xəstəliklərdən azad olmaq üçün arıqlamaq lazımdır? Bəli. Bədən çəkisi azaldıqca bu xəstəliklərin əksəriyyəti insanı tərk edir. Lakin arıqlama zamanı yeni xəstəliklər qazanmamağa çalışmaq lazımdır.
Bəs sağlam insanın optimal bədən çəkisi Ardı »

ABŞ alimləri sübut etmişlər ki, uşaqlıq dövründə tütün tüstüsünün təsirinə məruz qalmış qadınlar gələcəkdə yüksək uşaqsalma (abort, düşük) riski ilə qarşılaşır.
Tütün tüstüsünün uşaq orqanizminə və inkişaf etməkdə olan dölə əvvəllər də məlum olan zərərli təsirlərindən

az çəki ilə doğulma, anadangəlmə anomaliyalar, astmanı göstərmək olar. Lakin passiv siqaret çəkmənin (yanında siqaret çəkilməsi zamanı tütün tüstüsünə məruz qalma) hamiləliyin gedişinə təsirini sübut etmək alimləra ilk dəfə müyəssər olmuşdur.
Miçiqan Universitetinin Səhiyyə Məktəbinin əməkdaşlarının apardığı tədqiqatda Boston şəhərinin süni mayalandırma klinikalarında müalicə kursu keçən 2162 nəfər hamilə qadın iştirak etmişdir. Müəyyən olunmuşdur ki, uşaqlıqda tütün tüstüsü təsirinə məruz qalanlarda hamiləliyin arzuolunmaz nəticələri daha çoxdur. Bu Ardı »

Britaniya Tİbb Assosiasiyasının (British Medical Association, BMA) keçirdiyi sorğu göstərmişdir ki, ötən il Böyük Britaniyada hər üç həkimdən biri pasientlər tərəfindən fiziki zorakılığa və sözlü təhqirə məruz qalmışdır.


Sorğu aparılmış 591 nəfər həkimin onda biri fiziki hücumlarla qarşılaşmışdır. Hirslənmiş pasientlər təpik və yumruqlarla onların üzərinə atılmış, üzlərinə tüpürmüş, dişləmişlər. Nəticədə həkimlərin 5%-i ciddi zədə almış, üçdə biri isə əzilmə və cırmaq izləri ilə canını qurtarmışdır. İş yerində zorakılığa ən çox qadınlar (37% qadın və 27% kişi) və cavan mütəxəssislər məruz qalmışdır.
Sorğu aparılan həkimlərin fikrincə, pasientlərin aqressivliyinin səbəbi onların aldıqları tibbi xidmətin keyfiyyətindən narazılığı olmuşdur. Uzun növbə sıralarında gözləyən xəstələr istədikləri reseptləri ala Ardı »

29 yaşlı amerikalı Çed MakMaster öz nənəsi üçün qaraciyər donoru oldu. Əməliyyat zamanı nənə Patrisiya Midltona nəvəsinin qaraciyərinin yarısından çoxu köçürüldü.
Patrisiya Midlton 25 il idi ki, xronik qaraciyər xəstəliyindən əziyyət çəkirdi. Keçən ilin avqust ayında həkimlər ona transplantasiyanın vacib olduğunu demişdilər. Onun ən yaxın dörd qohumu potensial donor kimi araşdırılırdı, lakin ən uyğun variant nəvəsi Çed MakMaster oldu.


Orqanın köçürülməsi Detroytun Henri Ford xəstəxanasında icra edildi. Yaşlı qadına nəvəsinin qaraciyərinin 55%-i köçürüldü. Hal-hazırda həm nənə, həm də nəvə əməliyyatdan sonrakı sağalma dövrünü keçirir.
Qaraciyər transplantasiyası ağır qaraciyər çatışmazlığının yeganə müalicə üsuludur. Insanda canlı donordan ilk uğurlu qaraciyər köçürülməsi 1986-cı ildə baş tutmuşdur. Əksər Ardı »