Haqqinda.az

Axtardığın haqqında - Hər gün yeni məlumat öyrən

loading...

Aşbaz AbbasDadlı pizza resepti

Yemək hazırlamaq üçün vaxtımızın olmadığı zamanlarda üz tutduğumuz əsas hazır qidalardan biri də pizzadır. Pizzanın digər hazır qidalardan əsas üstünlüyü daha doydurucu olmasıdır. Biz də bu dəfə sizinlə hamımızın evdə hazırlaya biləcəyimiz dadlı pizza reseptini bölüşmək istəyirik.

Pizzanın xəmirini hazırlamaq üçün bizə lazımdır:

2 stəkan yarım un
2 çay qaşığı maya
1 çay qaşığı duz
yarım çay qaşığı şəkər tozu
1 stəkan ilıq su
2 xörək qaşığı zeytun yaği

İçlik üçün lazımdır:

2 pomidor
2 bibər
Toyuğun doş əti
Pendir

Sous üçün lazımdır:
İstiot
Duz
Rəndədən keçirilmiş iki pomidor

İndi isə hazırlamağa başlayaq: İlk olaraq ilıq suya maya və şəkər tozunu əlavə edib qarışdırır onu 15 dəqiqə kimi otaq temperaturunda saxlayırıq. Daha sonra bu qarışığa un, yağ Ardı »

Aşbaz AbbasYay içkisi milkshake

Havaların isti keçməsini nəzərə alaraq bu dəfəki məqalədə sizinlə yayda ev şəraitində hazırlaya biləcəyimiz daha bir içki resepti bölüşmək istəyirik. Çiyələkli milkshake hazırlamaq üçün bizə lazımdır:

250 qram çiyələk;
Bir stəkan soyuq süd;
İki çay qaşığı bal;
İki xörək qaşığı dondurma;
Beş-altı ədəd buz.

İçkinin hazırlanma prosesi isə çox sadədir. Bunun üçün bütün ərzaqları blenderə əlavə edib qarışdırırıq. Əldə etdiyimiz qarışığı stəkanlara töküb çiyələklə bəzəyib süfrəyə təqdim edirik.
Nuş olsun! Ardı »

Aşbaz AbbasKişi kimi borş

Əziz kişi aşbazlarımız, bildiyiniz kimi yaz fəsli olsa da, hələ ki, soyuq havalar davam edir. Hələ də qış yeməklərindən doymayanlar üçün bu dəfə borşun hazırlanma qaydasından danışmaq istəyirirk.

Bunun üçün bizə lazımdır:
1 kq sümüklü mal əti
1 ədəd kələm
1 ədəd çuğundur
2 ədəd yerkökü
2 xörək qaşığı tomat
3 ədəd kartof
1 baş soğan
3-4 dəfnə yarpağı
2 dəstə cəfəri
Bitki və ya kərə yağı
Duz
İstiot

Hazırlanması:
Əti o qədər də xırda olmayan hissələrə bölüb qazana yerləşdiririk. Qazana yarısına qədər su töküb onu qaynadırıq. Ət qaynamağa başladığı zaman kəfini yığmağı unutmuruq. Ət nə qədər çox bişsə, yemək bir o qədər dadlı olar. Buna görə də onu saat yarım kimi qaynadırırq.
Ət qaynadığı zaman biz Ardı »

Aşbaz AbbasAclıq güc gələndə kartof ye

Kartof çoxlarımızın, xüsusən də biz kişilərin sevdiyi qida növüdür. Ən birincisi ona görə ki, qısa zamanda hazırlanan kartof qızartması hər zaman ac vaxtımızda köməyimizə çatır. Elə bu dəfəki məqalədə də sizinlə bu tərəvəzdən tez zamanda hazırlaya biləcəyimiz növbəti bir yeməyin- kartof kotletinin reseptini bölüşmək istəyirik.

Bunun üçün bizə lazımdır:
12-13 ədəd kartof
2 ədəd yumurta
Yağ
Un
Zövqə görə duz, istiot

İndi isə yeməyimizi hazırlamağa başlaya bilərik:
Kartofun qabığını soyub yuyur, üstünə su tökərək onu bişməyə qoyuruq. Tam bişdikdən sonra (təxminən 45 dəqiqədən sonra) sudan çıxarıb əzirik. Üstünə duz, istiot, yumurta və un töküb yaxşı qarışdırırıq. Daha sonra tavaya yağ töküb qızdırırıq. Kartof əzməsini hissələrə bölərək əlimizdə kotlet formasında Ardı »

Aşbaz AbbasKişi kimi bayram plovu

Bu vaxta qədər “Aşbaz Abbas” bölməsində əsasən asan hazırlanan yemək reseptlərini sizinlə bölüşürdük. Bu dəfə isə müəyyən qədər dəyişiklik etmək istəyirik. Oxucularımız arasında subay, tək yaşayan, öz mədəsinin qayğısına qalmağa məcbur olan kişilərin sayının kifayət qədər çox olduğunu bilirik. Bayram günlərində həmin oxucularımızın plova həsrət qalmasına qətiyyən razı ola bilmərik. Elə buna görə də bu dəfə sizinlə döşəmə plovun reseptini paylaşmaq istəyirik. Plovun hazırlanması çoxumuza çətin proses kimi görünə bilər, amma aşağıdakı reseptimizlə tanış olanda siz də görəcəksiniz ki, burada çətin heç nə yoxdur.

Bunun üçün bizə lazımdır:

Yarım kq mal ya da qoyun əti;

Dörd stəkan düyü;

Yarım kq təmizlənmiş şabalıd;

Dörd xörək qaşığı əridilmiş Ardı »

Aşbaz AbbasFərqli dad-Balıq dolması

Dəniz məhsulları bol vitaminli tərkibi ilə seçilən əsas qida növlərindən biridir. Bu dəfəki məqaləmizdə sizinlə çoxumuzun sevimli yeməklərindən olan balıq ətindən hazrlaya biləcəyimiz fərqli bir yeməyin-balıq dolmasının reseptini bölüşmək istəyirirk.

Bunun üçün bizə lazımdır:

300 qram balıq əti;
Bir baş soğan
Bir ədəd keşniş
Üzüm yarpağı
Duz, istiot

Bu resept üçün kütüm, suf, və ya ağ balığı seçməyiniz daha məsləhətlidir. Balğın ətini sümükdən ayırmaqla işə başlayırıq. Daha sonra ayrı qabda soğan, keşnişi xırda-xırda doğrayırıq. Soğan və keşnişi balıq əti ilə qarışdırırb ətçəkən maşından keçiririk. Daha sonra bu qarışığa duz-istiot vurub kənara qoyuruq. Ayrı qabda üzüm yarpağının saplağını kəsib qaynar suda pörtürük. Yarpağın hər birinə 25-30 qram balıq qiyməsi Ardı »

Aşbaz AbbasQadınları ehtiraslandıran yemək

Yayın gəlişi ilə bəzi ağır, bol kalorili yeməklərdən uzaqlaşır, daha vitaminli, yüngül yeməklərə üstünlük veririk. Bəs yayda istifadə etdiyimiz ərzaqların faydası haqqında kifayət qədər məlumatımız varmı? Dietoloqların sözlərinə görə yaz-yaz aylarında qida rasionumuzun əsasını təşkil edən pomidor, badımcan, bibər kimi tərəvəzlər vitaminli tərkibə malik olmaqla bərabər, həm də onların tərkibindəki maddələr insanlarda cinsi istəyi artırır. Bu qidalar insanlarda cinsi istəyi artırmaq baxımından çərəzlərlə eyni əhəmiyyətə malikdir. Buna görə də cinsi istəyi artırmaq üçün kişilərə daha çox çərəz, qadınlara isə bu kimi tərəvəzlərə üstünlük vermək məsləhət görülür. Çünki qadın orqanizmi bu kimi qidalara qarşı daha həssas olur. İndi isə sizinlə bu bol Ardı »

Aşbaz AbbasKişilər bu yeməyi daha asan hazırlayır

Ən asan hazırlanan və ən doyumlu yemək hesab edilən düyü şorbasının reseptini sizinlə bölüşürük.
Bunun üçün bizə lazımdır:

4 yemək qaşığı təmizlənmiş düyü;
1 diş sarımsaq;
1 yemək qaşığı un;
1 yemək qaşığı qatıq;
1 yemək qaşığı kərə yağı;
1 çay qaşığı nanə və duz.

Hazırlanması:
Qazanda yağı qızdırdıqdan sonra ərzaqları ora əlavə edirik. Onları qızardıb üzərinə su, daha sonra isə duz tökürük 20-30 dəqiqə qaynadıqdan sonra artıq yeməyimiz servis edilməyə hazırdır.

Bəli, bu qədər asan! Nuş olsun! Ardı »