Haqqinda.az

Bir əlaqəni sonlandıran ümumiyyətlə qadınmış kimi görünsə də əslində qadını buna itələyən əsl səbəb kişinin davranışları olur.
Qadınlar həmişə daha romantik
Sevdiyi adamla bir ömür boyu xoşbəxt yaşayacağı inamı ilə evlilik imzası atan qadınlar, həmişə daha inamlıdır. Bədbəxt də olsa uşaqlarını atalarından uzaqlaşdırmamaq üçün davam edər, dözər.

Qadınlar həmişə daha səbirli

Bir gün kişisinin dəyişəcəyi, evliliyinin düzələ biləcəyi ümidi ilə yol almağa davam edər, öz ümidlərini özü qidalandırar.

Qadınlar həmişə daha güclü
Dərdini izah etməyə çalışar, kömək almağı təklif edər, əlindən gələnin çoxunu edər. Amma sonunda qadınlar da bəzən yorular, bəs edər və gedər.

Tərk etməyə qərar verən qadının psixologiyası
Tərk etməyə qərar verən qadın, kişisinin etdiyi səhvləri saymağa başladığı zaman uzun siyahılar çıxar ortaya.

"Mənimlə danışmır, sanki danışacaq heç bir şeyimiz qalmadı."

"Mənimlə vaxt keçirmək istəmir, yoldaşlarını mənimlə olmağa seçir."

"Ailəsinə qarşı məni qorumur, əzilməmə icazə verir."

"Mənim etdiyim xərcləmələrə çox müdaxilə edir. Sanki mən boş yerə pul israf edən bədxərc bir qadınam."

"Uşaqlarının atası deyil sponsoru sanki. Pulu verib qaçır" və.s...

Siyahını yekunlaşdırdığınız zaman ümumiyyətlə tək bir şikayətdə bütün maddələr toplanır: "Maraqsızlıq"

Qadın sevərək evləndiyi, birlikdə hər şeyi paylaşdığı kişinin zaman içində ilk günlərin paylaşmalarından uzaqlaşmasını anlaya bilmir, tükənməyə başlayır. Evliliyin ilk günlərində hər dəqiqəsini yanında keçirmək üçün dəli olan adamın, sonraları davamlı yoldaşlarıyla birlikdə olmasını, başlarda gündə üç dəfə yalnız səsini eşitmək üçün axtararkən, əlaqə köhnəldikcə axtarmaq bir tərəfə, qadın axtardığında işdəykən axtarılmasına deyinməsini,həmişə sevginin bitmiş olmasına yorur.

Evlilik əvvəli qadınını hər kəsdən qoruyan, gözləyən kişisinin ana və atasının yanında quzuya dönməsini, arvadı kədərlənib gözyaşı tökərkən qarşı tərəfdə olmasını yaxşı bir gedişə yoza bilmir təbii olaraq. Zamanla azalan sevgi sözləri, birlikdə keçirilən zamanların azalması, kömək etməməsi qadında həmişə sevgiyə, əlaqəyə aclıq olaraq yığılır.

Bu hisslərə baxmayaraq qadınlar çox vaxt səbr edir, əzmlə köhnə günlərə dönmək üçün çalışır. Hələ bir də uşağı varsa, gərək uşağına ayrılıq ağrısını yaşatmamaq üçün gərək tək başına dolanışıq və uşaq yükünü qaldırmağı gözə ala bilməyəcəyi üçün dözür, ərindən gələcək maraq üçün gözləyir, müqavimət göstərir.

Səbr edir, səbr edir... Ta ki, yoldaşı stəkanın daşmasına səbəb olacaq yeni bir səhv edənə qədər. Stəkanı daşıran bəzən xəyanət kimi, şiddət ya da yalan kimi böyük bir səhv olur. Bəzən də kiçik bir səhv yığılmış bütün reaksiyaları ortaya çıxarır. Nəhayət stəkanı daşırmağa tək damla çatır.

Ozaman qadın içindəki bütün sevgini yığıb kənara qaldırır və getməyə qərar verir. O qədər zaman yoldaşını xəbərdar etməyə çalışmaq üçün sərf etdiyi bütün cümlələri, kömək almaq üçün etdiyi bütün təklifləri, əməyini, xatirələrini geridə buraxır. Susur. Artıq qərarını vermiş, ayların, illərin "görəsən"lərindən sıyrılmış olur."

Kişilərin ən böyük səhvi...

Bu dəfə kişi hara yapışacağını bilmir, çaxnaşmaya qapılır. Zaman içində bir çox şeyi qəbul edən, sinəyə çəkən yoldaşının indi niyə getdiyini anlaya bilmir heç cür. Sevgisizlik, maraqsızlıqla günahlandırılmasına məna verə bilmir heç cür. Çünki daha düz düşünür çox vaxt. Yoldaşını sevmir deyil, axşam necəsə evə gələcək deyə gün içində telefon açmağı vacib görməmiş. Hər axşam birlikdələr deyə, bu səbəblə həftə sonlarını yoldaşıyla keçirməsə də olar deyə düşünmüş.

İşin əsli, kişi xoşbəxtliyi davam etdirmək üçün sevginin maraq istədiyini, diqqət gözlədiyini zaman içində unutmuş getmiş. Bu dəfə kişi, həll axtarışına girir. Daha əvvəl "nə gərək var" dediyi tətilləri, baş-başa yeməkləri təklif edir yoldaşına, birlikdə kömək almağı, evliliklərini qurtarmaq üçün nə lazımdırsa etməyi təklif edir, sevgisini izah etməyə, diqqətini göstərməyə başlayır. Amma nafilə.... Qadın getməyə qərar vermiş bir dəfə.