beyaz.az

Haqqinda.az

Axtardığın haqqında - Hər gün yeni məlumat öyrən

Smartfonlar kürəyə düşən yükü artırır

20-30 yaşında adətən boyundakı problemlər hiss olunmasa da, yaşa dolduqca əksəriyyətimiz onurğada sızıldayan ağrıların artdığını, hərəkətin azaldığını müşahidə edirik. Mobil telefonlar bu patologiyanın yaranmasında mühüm rol oynayır.

Amerika alimləri müəyyən ediblər ki, mobil telefonlardan müntəzəm istifadə edilməsi onurğanın yükünü artırır. Sosial şəbəkələrdə yazışma, elektron poçt, saytlara baxış iki saatdan dörd saatadək vaxt aparır. "Free Press Journal" jurnalı xəbər verir ki, bu zaman baş qeyri-təbii pozada olduğundan onurğanın boyun və döş qəfəsi hissələrinə daha çox ağırlıq düşür.

Başın qarşıya doğru əyilməsi boyun üçün əlavə yük yaradır və onurğanın, fəqərələrarası disklərin bağlarının köhnəlməsinə gətirib çıxarır. Alimlər belə bir misal göstərirlər: insan başını 60 dərəcə aşağı əydikdə onurğaya düşən əlavə yükün ağırlığı 27 kiloqrama çata bilər. Smartfondan adi qaydada istifadə olunduqda (başın mailliyi 15-30 dərəcə olduqda) yük 12-18 kiloqram artır.

Alimlər hər bir insana öz sağlamlığına diqqətlə yanaşmağı və telefondan istifadə edərkən onurğaya diqqət yetirməyi məsləhət görürlər.


Tarix: 08.01.2015 / 11:05 Müəllif: Aziza Baxılıb: 21 Bölmə: Saglamliq