beyaz.az

Haqqinda.az

Axtardığın haqqında - Hər gün yeni məlumat öyrən

Musa Musayev (II)

Musa Musayev - Milli Məclisin deputatı (2000-2005), Naftalan Şəhər İcra Hakimiyyətinin başçısı (2006-2010).

Həyatı
Musa Həzi oğlu Musayev 1959-cu il dekabrın 4-də Qərbi Azərbaycanın Mehri rayonunun Nüvədi kəndində anadan olmuşdur.

Azərbaycan Dövlət Universitetinin (indiki Bakı Dövlət Universiteti) Fizika fakültəsini bitirmişdir. 1983-1988-ci illərdə Kənd Təsərrüfat Nazirliyinin Elmi-Tədqiqat Yemçilik İnstitutunda elmi işçi, 1988-1994-cü illərdə Elmlər Akademiyasının Nəbatat İnstitutunun Radio-Biologiya bölməsində elmi işçi, 1994-1997-ci illərdə Bakı şəhəri Nəsimi rayonu Özəlləşdirmə İdarəsinin rəisi, 1997-2000-ci illərdə isə Nazirlər Kabineti yanında Dünya bankının Kənd Təsərrüfatının Kreditləşməsi lahiyəsində rəhbərin müavini vəzifələrində işləyib.2006-cı ildə Prezident Yaninda Dövlət İdarəçilik Akademiyasını fərqlənmə diplomu ilə bitirmişdir.

2000-ci ildə II çağırış Azərbaycan Respublikası Milli Məclisinin deputatı seçilmişdir.2000-2005-ci illərdə NATO Parlament Assambleyasında Azərbaycan nümayəndə heyyətinin üzvü olmuşdur.2006-2010-cu illərdə Naftalan Şəhər İcra Hakimiyyətinin başçısı vəzifəsində çalışmışdır.2013-cü ildən YAP-ın nəzdində yaradılmış Partiyalararası Əlaqələr və Dialoq Komissiyasının üzvi kimi fəaliyyət göstərir.

1999-cu ilin dekabr ayında YAP-ın 1-ci qurultayında Yeni Azərbaycan Partiyası Siyasi Şurasının üzvü seçilmişdir.Ailəlidir. İki övladı, 1 nəvəsi var.


Tarix: 06.02.2015 / 17:09 Müəllif: Feriska Baxılıb: 129 Bölmə: Qərbi Azərbaycan