Apar məni uzaqlara
Tut əlimdən gedək gülüm
Sən hayana, mən də ora.
Qoyma, gəlib çatsın ölüm
Apar məni uzaqlara,
Qopar məni qəm-kədərdən.
Xəbər etmə, gəl gizlicə
Çıxaq gədək biz sadəcə.
Bitməz olub burda gecə.
Xəbər yoxdu al səhərdən.
Apar məni uzaqlara,
Qopar məni qem-kədərdən.
Biz özümüz üçün varıq.
Yaşamayaq qəlbi qırıq,
Bitsin daha bu ayrılıq.
Çıxaq gedək bu şəhərdən,
Apar məni uzaqlara.
Qopar məni qəm-kədərdən.
Xoşbəxt olaq biz ikimiz.
Dastan olsun qoy sevgimiz.
Xoşbəxtliyin dadını biz,
Soruşmayaq bəxtəvərdən.
Apar məni uzaqlara.
Qopar məni qəm-kədərdən.
Xoşbəxt olaq uşaq kimi,
Heç sönməyək çıraq kimi.
Lap istəsən qonaq kimi
Qayıdarıq bura hərdən.
Apar məni uzaqlara,
Qopar məni qəm-kədərdən.
Apar məni uzaqlara,
Qopar məni qəm-kədərdən.
Müəllif: Nüsrət Həsən
Tarix: 29.04.2015 / 11:43 Müəllif: Aziza Baxılıb: 394 Bölmə: Sevgi şerləri
loading...