Anspress yazır ki, qırışlar yaşanan hər anın, acının, sevincin təmsilçisidir. Yaş artıqca onlar da bərabər sayda artır. Amma düzgün qidalanma və təbii vasitələrlə qırışları gecikdirmək olar.
Vitaminlərin, xüsusilə düzgün qidalanmanın dərinizə xeyli yaxşı təsiredici gücü var. Vitaminlər dəri sağlamlığı, qırışların qarşısının alınması və ya əmələ gəlməsini əngəlləyən xassələrə malikdirlər.
A, C, D, E vitaminlərinin çatışmazlığı isə dərinin cansız, quru və ya həddindən artıq yağlı olmasına səbəb olur.
A vitamini və beta-karotin
A vitamini və beta karotinlər qocalmanı gecikdirmək üçün istifadə olunur. Sarı, narıncı və yaşıl rəngli tərəvəzlər, yumurtanın ağı, ciyər, kərə yağı (təbii əldə olunmuş) və balıq yağlarında olur.
B vitamini
B vitamininə daxil olan niasin (B3 vitamini) civzə və sızanaqların müalicəsində istifadə olunur. Ümumiyyətlə, təbabətdə niasin “sakitlik vitamini” də adlandırılır. Toyuq, balıq, fıstıq, təmiz dənli bitkilərdə olur.
C vitamini
C vitamini yaxşı antioksidant vitaminidir. Yara müalicəsi zamanı təsiri güclüdür. Səthi olaraq incə cizgi və qırışların aradan qaldırılması, dəri yanıqlarının müalicəsində istifadə olunur.
Limon, qreypfurt, portağal, çiyələk, kivi, qırmızı və qara qarağat kimi meyvələr, kələm, pomidor, gülkələmi, qırmızı bibər və yaşıl bibər kimi tərəvəzlər C vitamini ilə xeyli zəngindir.
E vitamini
E vitamini də yaxşı antioksidantdır. Dərinin canlanması üçün köməkçi vasitədir. Dərini yumşaq və hamar edir.
Tarix: 04.07.2013 / 20:34 Müəllif: *_*M_O_N_I_K_A*_* Baxılıb: 112 Bölmə: Maraqli Melumatlar ve gozellik sirleri