Necəki, mövsümlə bağlı dəyişikliklərə görə geyim, dəriyə qulluq üsulları dəyişirsə, gecə və gündüzə görə də makiyaj formaları dəyişir. Tanınmış vizajistlər gecə ziyafətləri üçün nəzərdə tutulmuş makiyaj sirrləri haqda məlumatlar veriblər.
Əgər işləyirsinizsə və axşam dəvət olunduğunuz ziyafətə hazırlaşmaq üçün evə gedib hazırlaşmağa vaxt tapa bilmirsinizsə diqqətli olun. Çantanızda saxladığınız tünd tonlu göz kölgəsi və ya dodaq boyası bu zaman ən yaxşı köməkçi olacaq.
Geydiyiniz paltara görə edəcəyiniz tünd rəngli göz makiyajı görkəminizi tamamilə dəyişmək gücünə malikdir. Qara rəngli göz karandaşınız varsa onu barmağınızla göz qapağına vurun, bu üsulla göz ətrafınızı diqqətə çarpdıraraq gecə makiyajınızı tamamlaya bilərsiniz. Dodaq boyanız isə çox da tünd olmamalıdır.
Yox əgər qırmızı dodaq boyası seçmək istəyirsinizsə, göz makiyajınızı sadə etməlisiniz.
Tarix: 23.06.2013 / 16:50 Müəllif: *_*M_O_N_I_K_A*_* Baxılıb: 70 Bölmə: Maraqli Melumatlar ve gozellik sirleri