Haqqinda.az

Dostluğu ön planda tutaraq evlənən cütlərin evliliyinin çoxda uzun çəkmədiyini söyləyən Mütəxəssis Psixoloq Evlilik Məsləhətçisi Mine Eren mükəmməl bir ailə həyatı üçün nələrin vacib olduğunu verilən suallarda cavablandırdı...

Eşq və sevgi evlilik qərarına nə dərəcədə təsir etməlidir?
Ailə münasibətlərini digər dostluqlardan ayıran ən əsas fərqi intim münasibətlərin varlığıdır. Evlilik, iki şəxsin birləşərək uşaq sahibi olmaq arzusunu həyata keçirmək, uşaq üçün etibarlı və sağlam bir mühit yaratmaq üçündür. İnsanların qarşı cinsdən bir çox yoldaşı olur hətta bəziləriylə eyni evdə qalırlar. Bəs fərqi yaradan nədir? İntim münasibətlər. Bu münasibətlərin, yaxın əlaqənin özü sevgi üzərində qurulmuşdur. Sevginin olmadığı bir evlilik, evlilik və yaxın əlaqə deyil, yalnızca fərdlərin bir yerdə olduğu bir növ ortaqlıqdır amma dinclik, rahatlıq və bir zövq vermir. Bir növü özünü aldatmaqdır. Son dövrlərdə etdiyim məsləhətçiliklərdə sıx gördüyüm dostca evliliklərdir. Cütlər arasında hərhansı problem yoxdur, çox yaxşı bir-birlərini başa düşürlər, amma intim əlaqələri heç yox səviyyədədir. Bu heçdə sağlam olmayan və insanların fizionomiyasına zidd bir vəziyyətdir. Evliliklər bu şəkildə çox da uzun çəkmir.

Cütlərin bir-birlərini yaxşı tanıması üçün eyni evi bölüşmək, uzun müddət tətilə çıxmaq ya da birlikdə işləmək kimi vəziyyətlər qənaət edər və lazımdırmı?
Birlikdə vaxt keçirmək, şəxslərin bir-birlərini tanıması və başa düşmələri üçün çox əhəmiyyətlidir. Mən fərdlərin bir-birləriylə tanışdıqdan dərhal sonra evlənməklərini tövsiyyə etmirəm. İlk görüşdəki eşq, cazibədarlıq, həyəcan, onsuz ola bilməmək halı hormonların yüksək fəaliyyəti, həqiqətdən uzaqlaşdığımız andır. Eşqlə bağlı aparılan araşdırmalar bu dövrün ən çox 6 ay çəkdiyini göstərir. Bu dövrdə münasibətləri və qarşı tərəfi real dəyərləndirə bilmirik. Hormonlar normal səviyyəsinə döndüyündə eşq, sevgiyə çevrilir. Həqiqət olduğu kimi qarşılanmağa başlayır. Yetkinləşmiş sevginin yarandığı bu dövr evlilik qərarının alınacağı zamandır. Evlilikdən əvvəl, ümumiyyətlə insanların icazə verdikləri və xoşlarına gələn istiqamətlərini sərgilədikləri, həqiqi mənlik yerinə ideal mənliyin ön plana daha çox çıxarıldığı düşünülərsə, flört dövrü mütləq yaşanmalı və bu dövrdə sizin üçün uyğun olduğunu düşündüyünüz həyat yoldaşı modeliylə, partnyorunuzun davranışları arasındakı bənzərlik və uyğunlaşmanı müşahidə edib, doğru bir qərar verməyiniz yerində olacaqdır.

Özünü qarşı cinsin nümayəndəsinə bəyəndirməyə çalışmaq insanın ən təbii xarakteridir. Evlənməyə qərar vermədən əvvəl fərdlərin bir-birlərini yaxşı tanıması üçün nə etmələri lazımdır?
İlk tanışdıqlarında bir-birlərinin diqqətini cəlb etmək, təsir etmək üçün instinkt olaraq özlərini olduqlarından fərqli tanıdırlar. Ya da utancaq biridirsə bir çox şeyi söyləyə bilməz belə. İnsanın özünü qarşı cinsə bəyəndirməyə çalışması insanın ən təbii xüsusiyyətlərindəndir. Zaman keçdikcə bəyənildiyini və qəbul edildiyini hiss edən fərdlər təbii hallarına dönməyə başlayırlar. Digər yandan fərdlərin özlərini olduğu kimi ifadə etməsi, hisslərini rahatlıqla söyləyə bilməsi, özlərini izah etmələri, qarşısındakı insanı başa düşə bilməsi lazımdır. Əvvəl özünü ifadə etməlisən ki, qarşındakı şəxsi başa düşə biləsən. Bunun üçün açıq, cəsur, ürəkdən, səmimi olmalıyıq

İtirməkdən qorxmadan necəyiksə elə də olmalıyıq. Həqiqi qiymətləndirmə, bəzən insanları olduğu kimi deyil, olmasını istədiyimiz kimi görmək meylində oluruq. Bu şəkildə görmək bizi rahatlaşdırır.Gözümüzün önündəki pərdəni qaldırıb, qarşımızdakı insanın həqiqətdə kim olduğunu başa düşməliyik. Ailə, yaşadığı yer, iş yeri, dostları, ictimai mühitlə qarşılıqlı təsirini görməyimiz əhəmiyyətlidir. İnsan sosial varlıqdır və orda necə olduğunu bilmədən insan haqqında bir qiymətləndirmə etmək əskik olacaqdır.

" Ailə albomlarına, şəkillərinə baxın. Bir çox mövzuda izlər tapacaqsınız.”

Birlikdə hansısa bir sahədə bir işlə məşğul olun. Həll üçün təkliflər irəli sürə bilirsinizmi, rolları bölüşə bilirsinizmi, birlikdə hərəkət edə bilirsinizmi, çıxan problemləri yoluna qoya bilirsinizmi, bir-birinizin təkliflərinə dəyər verirsinizmi, bunları edərkən əylənə bilirsinizmi? Bütün bunlar çox əhəmiyyətli detallardır

Evlilik qərarınızın doğru olub-olmadığına əmin deyilsiniz? Ya da evlənəcəyiniz şəxsi seçərkən nələrə diqqət etməyiniz lazım olduğunu bilmirsiniz?