beyaz.az

Haqqinda.az

Axtardığın haqqında - Hər gün yeni məlumat öyrən

Sənubər Sarallı

Həyatı
Abdullayeva Sənubər Məmməd qızı 1 yanvar 1950-ci ildə Qərbi Azərbaycanın Pəmbək mahalının Qarakilsə (Kirovakan) rayonunun Saral kəndində anadan olub.

Doğma Azərbaycan dili ilə yanaşı rus və erməni dillərində də sərbəst danışa bilir. 1963-1964-cü illədə idman gimnastikası üzrə idman ustalığına namizəd və Ermənistan çempionu olmuşdur.

1969-1975-ci illərdə Kirovakan şəhərindəki Musiqi Məktəbinin vokal sinfini bitirmişdir. SSRİ xalqlarının X spartakadiyasının iştirakçısı olub. Qılınc oynatma üzrə idman ustalığına namizəddir.

1965-1969-cu illərdə beş respublikanın mükafatçısı olub. O, 1975-1988-ci illərdə qılınc oynatma üzrə məşqçi və müəllim kimi fəaliyyət göstərmişdir.

1985-1990-cı illərdə Ümumittifaq “Bilik” cəmiyyətinin üzvü olmuş, müalicə idmanı üzrə mühazirə oxumuşdur.

1990-1992-ci illərdə Moskva Tibb Akademiyasının xalq təbabəti ixtisasını da bitirib.

1988-1989-cu illərdə azərbaycanlı olduğu üçün işdən azad olunmuş, amansızlıqla ata-baba yurdundan qovulmuşdur. 1987-1991-ci illərdə müstəqil qaydada Qərbi Azərbaycandan azərbaycanlıların etnik təmizlənməsi, qovulması üzrə araşdırmalar aparmışdır.

2007-ci ildə xalqın canlı tarixi olan “Soyqırım. Oğurlanmış tarix və etnik təmizləmə” adlı kitabını 19 ildən sonra tamamlamışdır. Onun araşdırmalarında Qarabağ problemi ilə əlaqəli tarixin qaranlıq səhifələri 1987-1991-ci illrədə olduğu aşkarlanmışdır.

Kitabları
“Oğurlanmış tarix. Genosid”
Məqalələri
Ermitaj: Azərbaycan hara yoxa çıxıb? "Bütöv Azərbaycan” №15 2-5.06.2009.


Tarix: 06.02.2015 / 15:41 Müəllif: Feriska Baxılıb: 103 Bölmə: Qərbi Azərbaycan