Bir ömür Unut Məni...
Kirpiyinin ucundan
yıxılanda
Tut məni...
Bir damla göz yaşıyam
Ovcunda ovut məni.
Baxışlarım soyuq, lal,
Ömrüm – cavabsız sual...
Yatağım buz tutub,
Al…
Qəlbində uyut məni.
...İllərim əsir düşüb
Bu sevda qəfəsində...
Bir ömür cəzalıyam
Ayrılıq məhbəsində...
Səsim səsində yaşar,
Nəfəsim nəfəsində -
Bir udum hava kimi
Sinənə çək, ud məni.
Əgər bir gün dünyanın
Düzəni də pozulsa...
Bir ömür də verilsə...
Bir qismət də yazılsa...
Hər ayaq izin üstə
Bir məzarım qazılsa...
...Bir ömür başdaşım ol,
...Bir ömür unut məni...
Tarix: 19.11.2013 / 04:03 Müəllif: Akhundoff Baxılıb: 68 Bölmə: Sevgi şerləri
loading...