Bir çox Qərb ölkələrində nikahdan öncə gənclərin tibbi müayinədən keçməsinə yetərincə ciddi yanaşırlar.Bu, sadəcə, qurulan gənc ailənin sağlamlığının qayğısına qalmaq üçün vacibdir. Təəssüflər olsun ki, bizim ölkədə nikahdan qabaq müayinənin nə qədər zəruri olduğunu anlamayan və ya anlamaq istəməyənlərin sayı çoxluq təşkil edir.Ailə qurmazdan əvvəl bir-birlərinin səhhəti barədə məlumatlarının olması əslində bu gənclərin xeyrinədir.Çünki bu müayinə daha xoşbəxt ailənin təməlinin qoyulmasına və yaxud sonradan yarana biləcək problemlərin əvvəlcədən qarşısının alınmasına yardımçı olur.
Bəzən tərəflərdən biri öz xəstəliyini qəsdən gizlədir.Amma nikah dövründə xəstəlik artıq özünü biruzə verir və ya fəsadları üzə çıxır.Hal-hazırda övlad həsrəti ilə yaşayan nə qədər ailə var.Belə problem yaranan kimi ilk növbədə qadını müayinədən keçirirlər,amma kişilər bunu özlərinə sığışdırmırlar.Bu halda qadın özünü lazımsız əşya kimi hiss edir,illərlə iynə-dərman qəbul etmək məcburiyyətində qalır.Amma digər tərəf "Bizim oğlumuzda heç bir problem yoxdur" - deyə özlərini təmizə çıxarmağa çalışırlar.Çox zaman belə ailələrin sonu boşanma ilə nəticələnir. Yəqin ki,aranızda "Mən nişanlımı çox sevirəm, övladım olmayacaq deyə onunla ayrılmaram" deyənlər də tapılacaq.Amma problem təkcə dünyaya uşaq gətirə bilməməkdə deyil.Hal-hazırda yüzlərlə cinsi xəstəliklər var ki, onlarin bəzilərinin müalicəsində tibb elmi hələ ki, aciz qalıb. Yəni bir tək sevgi ilə xoşbəxt ailə qurmaq olmaz.Əgər problem varsa gec-tez üzə çıxacaq,çünki ailəni qoruyan,möhkəmləndirən başqa vacib amillər də var. Bunları nəzərə alaraq belə qənaətə gəlmək olar ki, nikahdan öncə tibbi müayinədə məqsəd yalnız tərəflərin bir-birinin səhhəti haqqında məlumatlarının olmasıdır. Müayinənin nəticəsindən asılı olaraq gənclər nikaha girib-girməyəcəklərinə isə artıq özləri qərar verəcəklər
Tarix: 20.11.2012 / 05:51 Müəllif: [Ram] Baxılıb: 1649 Bölmə: Ginekoloq Meslehetleri