beyaz.az

Haqqinda.az

Axtardığın haqqında - Hər gün yeni məlumat öyrən

Əliabbas Qədirov

Qədirov Əliabbas Qulu oğlu — azərbaycanlı aktyor.

Həyatı

Əliabbas Qədirov 13 fevral 1946-cı ildə Bakıda dünyaya gəlib. M.Əliyev adına Azərbaycan Dövlət Teatr İnstitutunda – Mehdi Məmmədovun kursunda təhsil alıb (1964-1969). 1970-ci ildən Azərbaycan Milli Dram Teatrında işləyib. Bir çox televiziya və radio tamaşalarında, kinofilmlərdə rəngarəng obrazlar yaradıb. Televiziyada "Komediyalar aləminə səyahət" verilişinin ilk aparıcısı olub. Azərbaycan Dövlət Akademik Dram teatrının bədii rəhbəri işləyib.

Uzun illər pedaqoji fəaliyyətlə də məşğul olub - Azərbaycan Dövlət Mədəniyyət və İncəsənət Universitetində dərs deyib. "Sevinc buxtası" filmində oynadığı Nazim roluna görə Dövlət mükafatına layiq görülüb (1978). Əməkdar artist (1982), xalq artisti (1989) adlarını alıb, "Qızıl dərviş" mükafatı laureatı (1997) olub, "Şöhrət" ordeni ilə təltif edilib.

2006-ci il mart ayının 8-də leykemiya xəstəliyindən vəfat edib. İkinci Fəxri Xiyabanda dəfn edilib.

Filmoqrafiya
Ağasadıq Gəraybəyli (film, 1974)
Alman klinikasına şəxsi səfər (film, 1988)
Atayevlər ailəsi (film)
Babək (film, 1979)
Bakıda küləklər əsir (film, 1974)
Bir ailəlik bağ evi (film, 1978)
Birisigün, gecəyarısı... (film, 1981)
Bizim küçənin oğlanları (film, 1973)
Bizim qəribə taleyimiz (film, 2005)
Burulğan (film, 1986)
Cin mikrorayonda (film, 1985)
Dədə Qorqud (film, 1975)
Dərviş Parisi partladır (film, 1976)
Doğma sahillər (film, 1989)
Dörd bazar günü (film, 1975)
Duel (film, 1995)
Durnalar qayıtdı (film, 2003)
Əla kəsici (film, 1975)
Əqrəb (film, 1972)
Evin kişisi (film, 1978)
Evlər yıxanım mənim!!. (film, 1974)
Əzablı yollar (film, 1982)
Gəmi saatının sirri (film, 1983)
Gözlə məni (film, 1980)
Güllələnmiş heykəllər (film, 2002)
Haray (film, 2004)
Həyat bizi sınayır (film, 1972)
Heydər Əliyev və Azərbaycan rabitəsi (film, 2003)
İşarəni dənizdən gözləyin (film, 1986)
Köhnə bərə (film, 1984)
Küçələrə su səpmişəm (film, 2004)
Məşədi İbad-80, yaxud köhnə tanışlar (film, 1980)
Min birinci söz (film, 1997)
Molla İbrahimxəlil kimyagərin nəvələri (film, 1974)
Müsafir (film, 2001)
Nə yaxşı ki, dünyada Səməd Vurğun var (film, 1976)
Od içində (film, 1978)
Ömrün İlk Saatı (1973)
Ömrün səhifələri (film, 1974)
Ömrün yuxuları (film, 2001)
Onun bəlalı sevgisi (film, 1980)
Özgə ömür (film, 1987)
Park (film, 1984)
Prima (film, 1992)
Qara gölün cəngavərləri (film, 1984)
Qeybdən gələn səs (film, 2002)
Qızıl uçurum (film, 1980)
Qocalar, qocalar... (film, 1982)
Saqqallı binalar (film, 1990)
Sən həmişə bizimləsən (film, 1997)
Sevinc buxtası (film, 1977)
Şeytan göz qabağında (film, 1987)
Sonuncu şahid (film, 2004)
Şuşa (film, 2001)
Şuşa yolu... (film, 2002)
Toya dəvətnamə (film, 1973)
Ürək... Ürək... (film, 1976)
Xatirələr sahili (film, 1972)
Yaramaz (film, 1988)
Yataqda siqaret çəkməyin (film, 1986)
Yeddi oğul istərəm... (film, 1970)
Yol əhvalatı (film, 1980)
Yüz qramın qiyməti (film, 1975)


Tarix: 06.02.2013 / 20:44 Müəllif: *_*M_O_N_I_K_A*_* Baxılıb: 315 Bölmə: Aktyorlar