beyaz.az

Haqqinda.az

Axtardığın haqqında - Hər gün yeni məlumat öyrən

Hikmət Nəbiyev

Aktyor. Filmlərdə iştirak edən.

Həyatı

H.Nəbiyev 1975-ci ildə S.Rəhman adına Şəki Dövlət Dram teatrına yardımçı heyət aktyoru vəzifəsinə qəbul edilmişdir. 1980-cı ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. 150-dən çox tamaşada yadda qalan obrazlar yaratmışdır. M.Sebastiyanın "Adsız ulduz" əsərində Vağzal Naçalniki (Rumıniya), R.Stoyanovun "Ustalar" əsərində Küker (Bolqarıstan), Ş.Petefinin "Pələnk və kaftar" əsərində Tivadar (Macarıstan) obrazlarına görə SSRİ-də keçirilən Sosialist ölkələrinin dramaturgiya festivalında diplomlara və pul mükafatlarına layiq görülmüşdür. Praqada, Moskvada (4 dəfə), Kazanda, Yoşkar-Olada, Daşkənddə, Səmərqənddə oynadığı obrazlar tamaşaçılar tərəfindən alqışlarla qarşılanmışdır. Həm dramatik, həm də komik səpkili rolları məharətlə ifa edən aktyor, bədii qiraəti kimi bütün dövlət və şəhər tədbirlərində iştirak etmişdir.30 illik yaradıcılıq illərində N. Dumbadzenin "Ağ bayraqlar" əsərində – Müstəntiq,N.Hikmətin "Bayramın birinci günü" əsərində Firuz,M.F.Axundovun "Hacı Qara" əsərində Ohan, Əsgər bəy, N.B.Vəzirovun "Yağışdan çıxdıq, yağmura düşdük" əsərində Aşıq Vəli, S.Rəhmanın "Yalan" əsərində Saleh,V.Şeksprin "Romeo və Cülyetta" əsərində Pyetro, H.Orucovun "Məni qınamayın" əsərində Mirzə Qulu,C.Vannisin "Şah ya Qeyri Şah Şah elə Şahdır" əsərində Vəzir, X.Eceqarayın "Mahir aradüzəldənlər" əsərində Pepito, M.Kərimin "Ay tutulan gecə" əsərində Divanə, E.Do Filipponun "Ruhlar" əsərində Rafaello və bu kimi əsərlərdə əsas və baş rolların ifaçısı olmuşdur.

2002-ci ildə ilin ən yaxşı aktyoru kimi "Qızıl Dərviş" mükafatı ilə təltif edilmişdir.

Filmoqrafiya
O dünyadan salam (film, 1992)
Şəki teatrında (film, 2006)


Tarix: 01.02.2013 / 19:53 Müəllif: *_*M_O_N_I_K_A*_* Baxılıb: 374 Bölmə: Aktyorlar