Haqqinda.az

Səni bu cur sevməyim
Özümə də sirr qalıb.
Könlüm bunca sevginin
Önündə əsir qalıb.

Səni bu cur sevməyim
İlahi paydır mənə.
Açmacası bulunmaz
Sirli olaydır mənə.

Səni bu cur sevməyim-
Çəkib yuxumu ərşə !
Amma mənə xoş gəlir
Sevmək- nə dadlı nəşə!

Bu möcüzə duyğunu
Anlada bilərmi dil ?
Səni bu cur sevməyim-
Məndən asılı deyil.

Səni bu cur sevməyim
Duyğudan üstün bir hal !
Səni bunca sevməyim
Gerçəklikdə bir xəyal !

Səni bu cur sevməyim-
Qışda - ilk baharımdır
Səni bunca sevməyim-
Ən dəyərli varımdır.

Həyatın sonu - ölüm !
Mən ölsəm də ay gülüm-
Nə qalacaq, de - nəyim ?
Səni bu cur sevməyim...
Seni bunca sevmeyim...