Haqqinda.az

Hər bir təzəcə yaranmış və ya on illərdə davam edən ailədə elə saatlar, elə anlar var ki, onlar ailəni möhkəmləndirə də bilər, kökündən dağıda da bilər. Bunlarda birisi, demək olar ki, ən başlıcası birinci nigah gecəsidir.

Qadınların kişilərə nisbətən daha emosional və utancaq olduqları məlumdur. Toy gecəsi keçiriləcək otağın qapısının içəridən bağlanmaması, otağın çox güclü işıqlanlandırılması gənc qadını utandırır. Bu səbəbdən ərinin gözü önündə birinci dəfə soyunmaq onda daxili müqavimət və ayıb hisləri əmələ gətirir. Buna görə də ilk intim əlaqə vaxtı ərdən qadına ruhi zədə vurmamaq, onun qəlbinə toxunmamaq, qadının bütün arzularını yerinə yetirmək və ona qarşı maksimum diqqətli olmaq tələb olunur.

Ehtiras hissləri gənc ər-arvadda nə qədər güclü də olsa (əlbəttə, bu ən çox ərdə ola bilər) birinci nigah gecəsi cinsi əlaqə üçün tələsmək, birinci intim yaxınlığı sevginin, məhəbbətin başlanğıcı əvəzinə heyvani hisslərə çevirmək düzgün olmaz.

Qızlıq pərdəsi problemi

Toy gecəsinin əsas problemi isə cinsi əlaqənin necə keçirilməsidir. Məsələ onda deyil ki, gənclər nə etməyi, necə etməyi bilmirlər. Günümüzdə bu mövzuda yüzlərlə ədəbiyyat, vidio çarxlar və s. var, bundan əlavə təbii instink özü də bu işdə yol göstərir. Sadəcə problem bir qayda olaraq toy gecəsi hər iki tərəfin sevgidən, ehtirasdan öncə qızlıq pərdəsi haqqında düşünməsidir. Hətta özünə güvənən qızlar belə hardasa ürəyinin dərinliyində anadan gəlmə qızlıq pərdəsinin olmaması qorxusunu yaşayır.

Hansı hallarda toy gecəsi qanaxma olmur

Qeyd etmək lazımdır ki, həqiqətən ən təmiz qızlarda belə qanaxma olmaya bilər. Bu aşağıdakı hallarda baş verir:

1. hələ körpə yaşlarından qızlıq pərdəsinin qeyri-normal yarımçıq inkişafı nəticəsində o, aypara şəklində olarsa
2. qızlıq pərdəsi nisbətən qalın və möhkəm olarsa
3. qızlıq pərdəsində qan damarları çox azdırsa və ya yırtılan hissədə heç yoxdursa
4. nadir hallarda tamamilə bütöv olan qızlıq pərdəsi
5. nəhayət, bəzi hallarda müxtəlif səbəblərdən (yıxılıb zədələnmək və s.) qızlıq pərdəsi izdivaca qədərki müddətdə yırtılıbsa

Məhz buna görə də nigah gecəsində, cinsi əlaqə vaxtı qızlıq pərdəsinin pozulmaması və xüsusilə qanın görünməməsi gələcək həyat yoldaşının namusunun göstəricisi olmamalı, gənclər aralarındakı toya qədərki sevgi, məhəbbət hislərini pozub dağıtmamalıdırlar.

Qızlıq pərdəsi pozulduqdan dərhal sonra cinsi əlaqəni dayandırmaq lazımdır

Gənclərə başqa səbəbə görə də tələsmək lazım deyil. Qızlıq pərdəsi yırtıldıqda ağrı hissi və qanaxma olur ki, bu da gənc qadını həm müəyyən qədər qorxudur, həm də fikrini sevgi-məhəbbət hisslərindən yayındırır. Ona görə də pərdənin pozulmasından dərhal sonra cinsi əlaqəni dayandırmaq və həmin gecə onu təkrar etməmək məsləhətdir. Bəzi hallarda (güclü ağrı və qanaxmalarda) cinsi əlaqəni yalnız bir neçə gündən sonra təkrar etmək lazımdır.

Əgər ər-arvad hər ikisi (!) toy gecəsi cinsi əlaqəni təkrar etmək istəsələr, onu çox ehtiyatla etməli və çalışmalıdırlar ki, bu zaman qadında ağrı hisləri olmasın.

Qızlıq pərdəsinin pozulması nadir hallarda güclü və uzun müddətli qanaxmaya səbəb ola bilər. Belə hallarda qadıın həyatını təhlükə altında qoymamaq üçün həkim çağırmaq lazımdır.

Toy gecəsi kişinin zəifliyi

Bəzi hallarda birinci intim əlaqədə qızlıq pərdəsi pozulmur. Bu, kişinin cinsiyyət üzvünün zəif ereksiyası, qızlıq pərdəsinin çox qalın olması və ya ağrının vahiməsindən qadının cinsi əlaqəyə aktiv müqaviməti nəticəsində ola bilər. Amma bir müddət sonra bu problem həll olunur.

Əfsuslar olsun ki, çox vaxt toy gecəsi xoşbəxt ailə həyatının başlanğıcı yox, sonsuz dava-dalaşın, incikliyin başlanğıcı olur. Əgər toy gecəsi kişi qadını zorlayırsa, o qadında həmişəlik seksə nifrət yarana bilər. Ümumiyyətlə, normal cinsi həyatın yaranması üçün ailədə bir-birlərinə qarşı sevgi, hörmət, anlayış olmalıdır. Ər-arvadın biri o birinin yorğun, xəstə olduğunu hiss etdikdə, yaxud kişi qadının «qadağan günləri» olan aybaşı və hamiləliyin, doğuşun sonrakı günlərində cinsi əlaqə istəyini büruzə verməməlidir.

Ər «kişiliyini» elə mütləq toy gecəsimi göstərməlidir?

Gənc ərlərin arasında belə bir inam var ki, mane ola biləcək bütün səbəblərə baxmayaraq ilk cinsi əlaqə birinci nigah gecəsi olmalı, ər öz «kişiliyini» elə o gün göstərməlidir. Öz məqsədinə çatmaq üçün kişi kobudluqla, hörmətsizliklə, bəzən güclə cinsi əlaqədə olmağa çalışırlar. Kobudluq və gücün tətbiq olunması nəticəsində bəzi qadınlarda çox çətin müalicə olunan vaginizm vəziyyətinin əmələ gəlməsinə səbəb olur ki, bu da budların, aşağı ətraf əzələlərin qeyri-iradi qıc olmasıdır. Ər arvaddan yüz dəfə üzr istəsə də, qadın ərini bağışlasa da artıq normal cinsi əlaqə mümkün olmur.

Son olaraq, söhbət apardığım bir neçə xanımın təcrübələrinə əsasən deyə bilərəm ki, heç də hamıda ağrı hissi olmur. Çox adam demək ki, qızlıq pərdəsinin pozulmasını ani bir ağrı olaraq hiss edir və o da qısa zamanda ötüb keçir.