Haqqinda.az

Qarayev Elnar Cəfər oğlu (d.1983) - AktyorMündəricat
1 Həyatı
2 Filmoqrafiya
3 Mənbə
4 Həmçinin bax


Həyatı

Qarayev Elnar Cəfər oğlu (26.01.1983) 26 yanvar 1983-cü ildə Sumqayıt şəhərində anadan olub. 2006-ci ildə Azərbaycan Dövlət Mədəniyyət və İncəsənət Universitetinin Teatr kollektivinin rejissoru fakültəsini fərqlənmə diplomu ilə bitirib.

Tələbə vaxtlarından Bakı Bələdiyyə Teatrında aktyor vəzifəsinə daxil olub. Bu teatrda oynadığı rollar:
Bayram ("Dönüş", Cəfər Cabbarlı),
Killer ("Oğul", A. Babayev),
Qara div ("Məlikməmməd" nağılı),
Kəndli ("Ölülər", Cəlil Məmmədquluzadə),
Həkim ("Domoklun qılıncı", Nazim Hikmət),
Qapıçı ("Xəyanətin müsibəti", İ. Kərimov),
Sərkərdə ("Dəli Domrul", Altay Məmmədov),
Xanəli ("Türk sancağı", A. Qurbani) və s.

Elnar Qarayev 2005-ci ildən Azərbaycan Dövlət Akademik Milli Dram Teatrının aktyor truppasına qəbul olunub. O, bu teatrın səhnəsində aşağıdakı rolları ifa edib.
Kəndli, Məhbus ("Dirilən adam", Mir Cəlal),
Aşıq ("Ölüləri qəbristanlıqda basdırın", İsmayıl Şıxlı),
Tələbə ("Mesenat", Əli Əmirli),
Sehrbaz pişik ("Tıq-tıq xanım", Abdulla Şaiq),
Katib ("İkinci səs", Bəxtiyar Vahabzadə ),
Sakit ("Bizim qışın sərgüzəşti", X. Həsənova ),
Cəlil ("İmzanın hökmü", T. Kazımov),
1-ci ozan ("Gəl Novruzum", S. Cavadlı),
Culian Qoşer (Dövlət naziri)("Kvazimodo", Viktor Hüqo),
Mühafizəçi ("Varlı qadın", Əli Əmirli),
Jurnalist ("Dəlilər və ağıllılar", İlyas Əfəndiyev),
Xidmətçi ("Bu dünyanın adamları", Hidayət),
Marsel ("Hamlet", Uilyam Şekspir),
Süpürgəçi ("Qatil", Elçin)
Bədəl ("Boy çiçəyi", İlyas Əfəndiyev).

Elnar Qarayev "Etiraf" bədii-sənədli filmində C.Cabbarlı, "Yanmış körpülər" teleserialında Ərəb mühafizəçisi, "Sarı gəlin" televiziya tamaşasında Ağaəli obrazlarını ifa etmişdir.

2006-cı ildə Zaqulbada keçirilən VI Beynəlxalq Audiovizual Festivalın aparıcısı olub. Həmin ildə Gəncə şəhərində keçirilən I Ümumrespublika bədii qiraət müsabiqəsinin diplomantı adını qazanıb.

Filmoqrafiya
Yanmış körpülər (film, 2003)
Biz qayıdacağıq (film, 2007)
Mürafiə vəkillərinin hekayəti (film, 2011)
Ünvansız eşq (2011)
Xoca (2012)
Üç görüş
Muradına çatan Günəş