Haqqinda.az

Cənnət qazanar hamı deyil, layiq olanlar,
Dəvətdə zəfər əhlidir o natiq olanlar.

Allah dilinə hikməti vermişsə, bir qulun,
Dəvət eləyər Haqq yoluna aşiq olanlar.

Zalimlərin xoş əməli deyil ki, salehlik,
Mömin halıyla vəsf olursa, sadiq olanlar.

Hardan qazanar axirəti böylə adamlar,
Həm saleh əməldən gecikib sabiq olanlar.

Düz yoldadır sadiq olan, məsuliyyətli kəs,
Səbr ilə məsuliyyətə müvafiq olanlar!

Hər bir vəziyyətdə durar xeyrin qapısında,
Cənnətdə nəbilər yanında «siddiq olanlar.»

Əcr ilə dolu işləri vaxtında görərlər,
Saleh işi vaxtında görüb dəqiq olanlar.

Hər bir zamanda olub nifaq əhli, fitnəkar,
Müslimlərə fitnə salar münafiq olanlar.

---------------
ABDUSSALAM SAHİB Ardı »

Bil ki, qəflətdə olanlar sənə qəflətlə baxarlar,
Qəlbi zillətdə olanlar kimə nifrətlə baxarlar?

Zənn edir öz nəfsini haqq yolda ki, qılmır namazı,
Eyvah müsəlman görəndə ona dəhşətlə baxarlar.

Çox az insan taparsan müsəlman tək bir görkəmdə,
Zina cildində bir kəsə ancaq heyrətlə baxarlar.

Dini bilməməzlikdəndir,həm də cahillikdəndir bu,
Özləri zillət içində, sənə zillətlə baxarlar.

Peyğəmbərin surətini birdən görsə bu qafillər,
Görəsən Peyğəmbərə də böylə diqqətlə baxarlar?

Peyğəmbərləri öldürən həmən bu insan nəslidir,
Peyğəmbərə küfr edənlər sənə hörmətlə baxarlar?

Müslim dəyişməsə nəfsi, Allah onu heç dəyişməz,
Öz günahlarındandır ki, küfrə rəğbətlə baxarlar.

Nə badə təhqirlər görcək sarılma sən də təkfirə,
Çünki, ədalət yer tapar, bir gün ibrətlə baxarlar.

Sən təkfiri seçdiyindən başa düşməkdən qaçarlar,
Hikmətli olan hər şəxsə bil Ardı »

İman ləzzəti hiss etdim imanımın ilk günü!
Nə xoşbəxtdim İslamla əhd-peymanımın ilk günü!

Qəlb genişlənər İslama ilk gəldiyin günündə,
Bir yeni səhfə açılar həyatında, ömründə.

Ürəyin çox rahatlayar, tovhid ilə çox xoşnut,
Çünki, çıxır qəlbindən şirk olanlar, həm də tağut.

İslam qapısında tovhid ilə atılsa təməl,
Fayda olar varlığına ixlasla olsa əməl.

İlk günündən ixlası qur qəlbində, möhkəmləndir,
Müsəlman tək zahirini xoş elə, görkəmləndir.

Uşaq vaxtı tanış olmaq sələflərin fəhmiylə,
Mümkün olar bir Allahın mərhəməti, rəhmiylə.

Sabit olmaqla qalar imanın dadı qəlbində,
Düzlüklə keçər həyatın müsəlman qəlibində!


------------
Abdussələm Sahib Ardı »

Ay mənim örtülü hicablı qızım,
Tutqun gecələrdə parlaq ulduzum,
İstərdim səninçün nəsihət yazım,
Sən Allahdan çəkin, ondan qorx qızım.

Sən gülün qönçəsi hicab ləçəyin,
Sənə bənzəri var gülün çiçəyin,
Hicab iffətidir sən tək qönçənin,
Sən Allahdan çəkin, ondan qorx qızım.

Deyirsən tənə ilə qarı deyirlər,
Saçlarını boya sarı deyirlər,
Ən azı şalvar gey barı deyirlər,
Sən Allahdan çəkin, ondan qorx qızım.

Soruşdum bəs nədən işlər nataraz,
Hamı açıq-saçıq, hicablılar az ?
Aşkarda çox olan qiymətli olmaz,
Sən Allahdan çəkin, ondan qorx qızım.

Diqqət et daş-kəsək hər yerdə olar,
Qiymətli cəvahir gizlində qalar,
Dünya asilərlə şeytanla dolar,
Sən Allahdan çəkin, ondan qorx qızım.




MURAD MURADLI Ardı »

Ruhundan ayrı düşmüş hər bədən mənim qonağım,
Qurdlara yem olacaqdır, inan, sənin yanağın.

Gəzməyəcək yer üzündə daim sənin ayağın,
Əcəl ilə sınar bir gün güvəndiyin dayağın.

Gülüşlərin rahatlıq doldurur unutma məni,
Günah edərkən düşün ki, gözləyirəm mən səni.

Çürütmüşəm neçə-neçə təkəbbürlü bədəni,
Əzablar gözləyir inan hər günahkar bəndəni.

Bura zülmət məskənidir özün ilə nur gətir,
Yalnız qu'ranın nuru bu zülmətdə nur gətirir.

Haram yeyən hər kəs, hər bir günahkar, hər bir fasiq,
Bir gün olacaqdır burda acı əzaba layiq.

Vardır nə qədər haqdan qafil, bu dünyaya aşiq,
Bilsəydilər bu dəhşəti olardılar sadiq.

Gəz ey insan! Yer üzündə
hər addımın mənə sarı,
Haqqı inkar eyləyirsən,
haqqı qə'bul eylə barı.





Sahib AbdusSalam Ardı »

Xırda günah utandırır, hətta bir aşkar olan,
Zənn edir ki, pünhandır günahı zinakar olan,
Həya azdır, ya heç yoxdur dalar günahkar olan,
Zinadır o, əvvəli xoş, axırı murdar olan.

Bil ki, heç vaxt şeytan günahına« pisdir» deməz,
Zinanı çox sevdirər ki, zani də heç çəkinməz,
İyrənər o axırda günahından bunu bilməz,
Zinadır o, əvvəli xoş, axırı murdar olan.

Zinadan uzaq vücud, paklığı vardır hələ də,
O zina eyləyən ən pis yola düşmüş tələdə,
Tövbədir paklığın yolu birinci mərhələdə,
Zinadır o, əvvəli xoş, axırı murdar olan.

-----------
ABDUSSALAM SAHİB Ardı »

Pis zənnə qapılmaq hələ bilməm ki, nədəndir,
Ət parçasıdır, həm də zəifdir, bu bədəndir,
Dünyanı sevib dərdini zikr eyləmədəndir,
Zənnində xoş əhval, elə halı xoş edəndir,
Dünya ki, qalan deyildir, əlbət ki, gedəndir.

Qəlb içrə bu xəstəlik ki, yer eyləmə zənni,
Şeytan sevinər işlədəcəkdirsə bu fənni,
Zənn xeyli qara fikri edər qəlbə tədənni,
O anda tutar vəlvələlərdən səni nənni,
İstər sala atəşlərə insanı tədənni.

Din qardaşına hüsnü zəndə olmağı borcun bil,
Gözəl şeylər düşünməyi beyninçün orucun bil,
Qəlbi kindən ayırmağın şeytana vuruşun , bil,
Kin olanda məşğul olar namaza duruşun , bil,
Tək Allaha qul olmaqdır ləzzəti bir qulun, bil!....


----------
ABDUSSALAM SAHİB Ardı »

Va lə iləhə illəllahul-vahidul-qahhər,

Mömin o ki, etcək onu inkar görə münkər!

Ulduz falı aydın sənə, azmışlara bağlı,

Axmaq necə axmaq ki, veribdir buna ağlı.

Ulduzlara uyğun guya tərtibli bu cədvəl,

Kimlər ki, uyubdur buna, bax əhlinə əvvəl!

Ya dininə, İslamına, imanı zəifdir,

Ya ki, oxuyublar onu çox işdə hərifdir.

Yaxud diləyir qeyb ilə sürsün o həyatı,

Hətta ki, bu cür eybə düşə mənəviyyatı!

Olsaydı eyib, bilməyərəkdən bu olardı,

Lakin çoxu öz abrını başında çıxardı!

Falın özü əfsəh, ya da avarə üçündür,

Qəlbində günah xalları tüm qarə üçündür!

Falçı deyil heç gizli ki, cinlər ilə məşğul,

Amma bu münəccimdəki him-cim kimə məqbul?

Küfrün biri ardıca gəlir, çox sözü batil,

Ölmüşlərin ölmüşlüyün artırdı bu qatil!

Ulduz dedi:Kim şəkk edə bu Ardı »