Haqqinda.az

Axtardığın haqqında - Hər gün yeni məlumat öyrən

Telman Adıgözəlov

Adıgözəlov Telman Abbasqulu oğlu (d.17 iyul, 1953 - ö.15 aprel 2010)– məşhur televiziya, teatr və kino aktyoru, aparıcı, Azərbaycan Respublikasının xalq artisti (2006).Mündəricat
1 Həyatı
2 Filmoqrafiya
3 Mənbə
4 Həmçinin bax


Həyatı

Telman Adıgözəlov 1953-cü il iyulun 17-də Balakən rayonunda anadan olmuşdur. 1975-ci ildə Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. 1980-ci ildən Akademik Milli Dram Teatrında fəaliyyətə başlayan aktyor, teatr səhnəsində maraqlı obrazlar yaratmışdır. Bunlardan C. Məmmədquluzadə "Dəli yığıncağı" Zəncirvuran, İ.Əfəndiyev "Xurşidbanu Natəvan" Daşdəmir, "Mahnı dağlarda qaldı" Rəhman, Şekspir "Maqbet" Flins, M.İbrahimov "Közərən ocaqlar" Xanəhməd, H.Cavid "İblis" Şeypurçu, S.Vurğun "Vaqif" Təlxək, S.Rəhman "Nişanlı qız" çeşməkli kişi, E.Baxış "Qədr gecəsi" Oyunbaz, Elçin "Ah Paris…Paris!.." Əhməd, "Mənim sevimli dəlim" Professor, R.Novruz "Hələ "sevirəm" deməmişdilər"də Qumarbaz obrazlarını göstərmək olar.

İstedadlı aktyor Dövlət televiziyasında hazırlanmış "Yaşıl eynəkli adam", "Ordan-burdan", "Qonşular", "Azərbaycanfilm" kinostudiyasında istehsal olunmuş "Nəsimi", "Üzü küləyə", "Xatirələr sahili" kimi filmlərdə xarakterik rollar oynamışdır.

Telman Adıgözəlov 2000-ci ildə Azərbaycan Respublikasının əməkdar artisti və 2006-cı ildə xalq artisti fəxri adlarına layiq görülmüşdü.

Telman Adıgözəlov 2010-cu il aprelin 15-də 57 yaşında ürək çatışmazlığından vəfat edib.

Bir qızı, bir oğlu var.


Filmoqrafiya
1001-ci qastrol (film, 1974) (tammetrajlı bədii film)
777 №-li iş (film, 1992) (tammetrajlı bədii film)
Anlamaq istəyirəm (film, 1980)
Arşınmalçı (film, 1985)
Bakı oğrusu (film, 1997)
Bir nömrəli... (film, 1980)
Çətirimiz buludlardır (film, 1976)
Diplomlu mütəxəssis (film, 1974)
Dörd bazar günü (film, 1975)
Evləri göydələn yar (film, 2010)
Evləri köndələn yar (film, 1982)
Ənvər Həsənov. Yeddi oğuldan biri (film, 2007)
Xatirələr sahili (film, 1972)
Günaydın, mələyim! (film, 2008)
İmtahan (film, 1982)
Kölgədə 40 dərəcə isti (film, 1987)
Ordan-burdan (film, 1987)
QAZ (film, 2005)
Qırmızı qatar (film, 1993)
Qurama (film, 1995)
Məşədi İbad-94 (film, 2005)
Mühazirə (film, 1986)
Nəsimi (film, 1973)
Nigarançılıq (film, 1998)
Sürpriz (film, 1977)
Yarımştat (film, 1996)
Yaşıl eynəkli adam (film, 1987)
Yol əhvalatı (film, 1980)


Tarix: 04.02.2013 / 21:12 Müəllif: *_*M_O_N_I_K_A*_* Baxılıb: 444 Bölmə: Aktyorlar
loading...