Haqqinda.az

Mən tənhayam, loğmanam bəzən ürəyəm bəzən qabırğayam
Malam bəzən dostlar dediyi kimi bəzənsə oğulam
Noğulam, qoğalam, paxlavayam ya da şirin çörək
Heç kimə maraqlı deyil bu yazdığım mən qorxağam ya da bivec
Mən nağılam sonum yoxdu, mən sonsuzam övladım yox ama anayam
Mən axmağam bəzən yorğun, ya da yorğunam bəzən axmaq
Nə fərqi var mən heç yoxam görünmürəm yoxsa koram?
Yalançıyam ama sevirəm baxır nəyi baxır kimi
Heç nə bilmirəm mən nankoram süd içmirəm ama toxam
Bir insanam ya da adam Adəm tanısa məni ölər həmin an
Pərvanəyəm Dürdanəyəm axı nə fərqi var hansı mənəm
Əsas hamıya özgəyəm bəzən elə ən doğma mənəm
Qurumuş yarpağam nəyəm niyə əzir məni keçən
Bəlkə xəzəl olmasamda palçığa bulaşmış güləm
Ki məni görmür insanlar Ya da görməyə qorxullar
Mən çoxlu sual verənəm soruşanda dirənirəm
Cavab gelmir hirslənirəm biranlıq özümü söyürəm
Kimlərisə gözləyirəm ama məni gözləyən hanı?
Qatar gedir bilet hanı?? Mən axı tək passajirəm
Hamı atla mən eşşəklə nolsun mən də yəhərdəyəm
Yalançıyam, palançıyam kamil deyləm.. mən yarımçıq papaqçıyam..  
Qrup yoldaşım da mənəm sinif yoldaşım da mənəm
Yasını tutduğum da mənəm, Yasin oxuyan da mənəm
Hamısı mənəm kor da, kar da, lal da mənəm lala gülən axmaq da mənəm
Göydən düşən qar da məndim həm soyuqdum həm yüngüldüm
Yayı gözləyən qaranquş da məndim həm incəydim həm göyçəydim
Yanğında yanan dovşan da məndim mən qorxağam həm çirkinəm
Bugün bunu yazan da məndim həm səmimi həm süniyəm ....