Haqqinda.az

Axtardığın haqqında - Hər gün yeni məlumat öyrən

DAYAN

Toxunma əlimə günahın çoxdur,

Gözümdə tikanlı məftil kimisən

Sənin gözlərində həqiqət yoxdur,

Kiminlə dəyişdin bir bax, kimi sən?



Daha xoş gəlməz o nəvaziş mənə,

Dolaşma başımda dumanlar kimi

Bədbəxt, yaltaqlıqda yaraşmır sənə

Dəyiş danışdığın yalanlar kimi



Qanına it qanı qatılıb inan

Xəmirin haramlıq zaddan tutulub

Namusdan, qeyrətdən, ardan uzaqsan

Mənliyin ayaqlar altda atılıb



O necə ürəkdi, o necə qəlbdi,

Kart tək atılıbsan ortaya aşkar

Zamanı oyuncaq düşünmə, bəsdir!

Oyuna tutublar səni, saxtakar.



Böylə yaşamağa dəyərmi söylə?

Sən bu təbiətlə hara gedərsən

Quzu cildində dişi canavar

Qarşın alınmasa nələr edərsən!


Tarix: 19.11.2013 / 04:02 Müəllif: Akhundoff Baxılıb: 115 Bölmə: Sevgi şerləri
loading...