Goresen

Bu sevginin əzabları dözülməz,
Aşiqlərin yuxusu tərs yozulmaz.
Aman fələk, yazdıqların pozulmaz
Kimin sənə gücü çatar görəsən?

Düz yolumu daş-çınqıldan salmasam,
Mənə həsrət, mən həsrətə qalmasam.
Sonum gəlsə, dünyada mən olmasam
Yenə çıxar gün, ay batar görəsən?

Pərvaz edim uca göydə, enməyim
Xar istəyər o danışsın, dinməyim.
Heç bilmirəm ya minim, ya minməyim
Sonuncumu qara qatar, görəsən...?